Arab úılestirý tobyna kiretin tórt halyqaralyq qarjy ınstıtýty Qazaqstandaǵy medısınalyq ınfraqurylymdy damytýǵa ınvestısııa salýǵa daıyn ekenin jetkizdi, dep habarlaıdy Egemen.kz mınıstrliktiń baspasóz qyzmetine silteme jasap.
Mınıstrliktiń habarlaýynsha, eki tarap basym jobalardy qarjylandyrý men yntymaqtastyq perspektıvalaryn talqylaǵan. Sonyń ishinde Kýveıt Arab ekonomıkalyq damý qory óz qarjysyn sala otyryp, ınvestısııalyq jobany júzege asyrýǵa múddeli. ORES halyqaralyq damý qory taıaýdaǵy úsh jylda somasy 2 mlrd dollardan asatyn, sonyń ishinde densaýlyq saqtaý salasyndaǵy jobalardy qarjylandyrýǵa daıyn ekenin baıandaǵan.
Sonymen qatar Saýd Arabııalyq damý qory UMC korporatıvtik qorynyń bazasynda balalar hırýrgııalyq ortalyǵynyń qurylysyn jobany qosalqy qarjylandyrý múmkindigin qarastyra otyryp salýǵa qyzyǵýshylyq tanytqany belgili boldy. Katar damý qory jyl saıyn 2-3 mln somasyna shaǵyn jobalardy qoldaýǵa daıyn ekenin málimdegen.
«Bul ýaǵdalastyqtar bizdiń aldymyzdan densaýlyq saqtaý júıesin jańǵyrtýǵa arnalǵan jańa múmkindikter ashady. Biz qysqa merzimde jobalardy júzege asyra bastaýdy josparlap otyrmyz, bul medısınalyq qyzmetterdi Qazaqstan halqy úshin anaǵurlym qoljetimdi ete túsýge múmkindik beredi», dep atap ótti Aqmaral Álnazarova.
Mınıstr Arab úılestirý toby qorymen yntymaqtastyq - eldiń medısınalyq ınfraqurylymyn damytý men jańǵyrtý jolyndaǵy mınıstrliktiń taǵy bir mańyzdy qadamy ekenin atap ótti.