PETROPAVL. 26 qańtar. Soltústik Qazaqstan oblysynyń ákimi Erik Sultanovtyń ókimimen kásipkerlik jáne týrızm basqarmasynyń basshysy bolyp Kerimbek Aıdyn Januzaquly taǵaıyndaldy. Bul týraly oblystyq ákimdiktiń baspasóz qyzmeti habarlady.
A.Kerimbek 1984 jyly týǵan. Joǵary bilimdi. Qazaq gýmanıtarlyq-zań ýnıversıtetin, Notımgem ýnıversıtetin (Ulybrıtanııa) bitirgen. Halyqaralyq quqyq salasynyń mamany, memlekettik saıasat jáne basqarý magıstri.
Eńbek jolyn 2004 jyly Almatydaǵy jaýapkershiligi shekteýli seriktestikterdiń birinde zań jáne kadrlyq jumys bóliminiń jeteńshisi retinde bastaǵan.
2006-2008 jyldar aralyǵynda Memlekettik múlik jáne jekeshelendirý komıteti zań departamentiniń jetekshi mamany bolyp qyzmet atqardy. 2008-2011 jyldary Aýyl sharýashylyǵy mınıstrliginiń ákimshilik qamtamasyz etý departamentiniń sarapshysy, basqarma bastyǵy, dırektory laýazymynda eńbek etti. 2011 jyldyń sáýir aıynan bastap osy taǵaıyndaýǵa deıin respýblıkalyq bıýdjettiń oryndalýyn qadaǵalaý boıynsha esep komıtetiniń ákimshilik-qarjylyq bólimi meńgerýshisiniń orynbasary boldy.
Joldybaı Bazar.
Derek: Soltústik Qazaqstan oblystyq ákimdiginiń baspasóz qyzmeti.
Sýret: capital.kz.