NAZARDA – AZIADA-2011 QAÝIPSIZDIGI

Almaty qalasynda “Medeý” muz aıdyny sport kesheninde “Qorǵaý-Antıterror-2010” respýblıkalyq jedel-taktıkalyq terrorǵa qarsy oqý-jattyǵýynyń qorytyndy fazasy ótkizildi jáne oǵan barlyq qýatty qurylymdardyń jáne shuǵyl áreket etý qyzmetteriniń kúshteri men quraldary tartyldy. Oqý-jattyǵý 2011 jylǵy 7-shi Qysqy Azııa oıyndary ótkiziletin sport nysandarynyń qaýipsizdigin qamtamasyz etýge daıyndalý maqsa­tynda UQK terrorǵa qarsy orta­ly­ǵynyń bastamasymen ótkizildi. Atalǵan is-sharanyń barysynda res­pýblıkalyq jáne Almaty qala­lyq jedel shtabtarynyń sheshim­der­di qabyldaý jáne UQK, PKQ, IIM, TJM, Qorǵanys mınıstrligi jáne basqa da memlekettik jáne jergilikti atqarýshy organdar bó­limsheleriniń ózara árekettestikteri pysyqtaldy. “Qorǵaý-Antıterror-2010” oqý-jattyǵýynyń basshysy – UQK tóraǵasynyń orynbasary general-maıor J.Jarasov oqý-jattyǵý barysynda kózdelgen oqý-jaýyngerlik mindetter tolyq kó­lem­­de oryndalǵandyǵyn aıtyp, oǵan tartylǵan barlyq kúshter men quraldardyń praktıkalyq ózara árekettestik daǵdylary men kásibı daı­yndyqtaryna oń baǵa berdi. Qys­qy Azıada-2011-ge daıyndyq bary­synda qaýipsizdikti qamtamasyz etý máselesine aıryqsha nazar aýdary­lyp otyr. Osyǵan baıla­nys­ty UQK TQO aǵymdaǵy jylda sport ǵıma­rat­tarynda, sondaı-aq Azııa oıyn­darynyń basqa da ny­san­darynda birlesken terrorǵa qar­sy birqatar oqý-jattyǵýlar men jat­tyǵýlar ótkizýdi josparlap otyr, dep habarlady UQK baspasóz qyzmeti.