ATYRAÝ. 26 qańtar. Atyraýda ishki ister organdarynan tirkeýden ótpeı, jasyrynyp júrgen Qytaı azamattary ustaldy. Bul týraly egemen.kz tilshisi habarlady.
Atyraý qalalyq ishki ister basqarmasynyń ýchaskelik polısııa ınspektorlary prokýratýra qyzmetkerlerimen birlesip júrgizgen shara barysynda Qytaı Halyq Respýblıkasynyń 38 azamatynyń jataqhanalardyń birinde jasyrynyp júrgenin anyqtady. Olar elimizdiń aýmaǵyna engen soń ishki ister organdarynda tirkelýden ótýi tıis edi. Alaıda, Atyraý oblystyq ishki ister departamentiniń baspasóz hatshysy Gúlnazıra Muhtarovanyń habarlaǵanyndaı, Qytaı azamattary tıisti zańdylyqtyń bul talabyn buzǵan. Sol sebepten, 38 qytaılyqqa qatysty ákimshilik hattamalar toltyryldy. Qazirgi ýaqytta sheteldikterge toltyrylǵan ákimshilik hattama ákimshilik sotqa joldandy.
Joldasbek Shópeǵul.
Derek: Atyraý oblystyq ishki ister departamenti.
Sýret: bnews.kz.