QR men Reseı Federasııasynyń quqyq qorǵaý organdary ótkizgen birlesken is-sharalardyń nátıjesinde dinı alaýyzdyqty qozdyrǵany úshin izdeýde júrgen Qazaqstan azamaty Reseıden qaıtaryldy, dep habarlaıdy Egemen.kz Bas prokýratýranyń baspasóz qyzmetine silteme jasap.
Bas prokýratýranyń málimetinshe, kúdikti 2016-2017 jyldary Almaty qalasynda birneshe ret dinı alaýyzdyqty týdyrýǵa, azamattardyń dinı sezimderin qorlaýǵa jáne olardyń dinge degen kózqarasy negizinde olardyń eksklıýzıvtiligin, artyqshylyǵyn jáne kemistigin nasıhattaýǵa baǵyttalǵan áreketter jasaǵan.
«Bul qylmystyń ózge de qatysýshylary ártúrli jaýaptylyqqa tartyldy, al kúdikti qylmys jasaǵannan keıin boı tasalap, halyqaralyq izdeýge jarııalandy. Osydan keıin, 2017 jyly ol Máskeýde qaraqshylyq jasap, sottalǵan. Reseıde jazasyn ótegennen keıin atalǵan adam qylmystyq jaýapkershilikke tartý úshin Qazaqstanǵa qaıtaryldy», delingen habarlamada.
Qazirgi ýaqytta tergeý ızolıatoryna qamalǵan kúdiktige bes jyldan on jylǵa deıingi merzimge bas bostandyǵynan aıyrý jazasy qarastyrylǵan.