Almaty ákiminiń ókimimen, sondaı-aq QR Prezıdenti Ákimshiliginiń jáne qala máslıhatynyń kelisimimen Talǵat Malybaev Alataý aýdanynyń ákimi laýazymyna taǵaıyndaldy, dep habarlaıdy Egemen.kz.
Talǵat Malybaev 1987 jyly Qaraǵandy oblysynda dúnıege kelgen. Qaraǵandy memlekettik tehnıkalyq ýnıversıtetin «kólik» mamandyǵy boıynsha bitirgen.
Eńbek jolyn 2010 jyly Qaraǵandy q. «Agro-Konsaltıng – K» AQ Strategııa jáne bıýdjettik josparlaý departamentiniń mamany retinde bastaǵan.
Ár jyldary qurylys kompanııalarynda jumys istegen, sondaı-aq Almaty qalasynyń «Almaty jylý jelileri» JShS-de, Almaty oblysynyń «Jetisý» ÁKK UK AQ-da basshylyq qyzmet atqardy. «Almaty qalasyn damytý ortalyǵy» AQ TKSh qyzmetteriniń sapasyn arttyrýdyń bazalyq baǵytyn iske asyrý tobynyń jetekshisi bolǵan.
2023 jyldyń maýsym aıynan bastap Almaty qalasy energetıka jáne sýmen jabdyqtaý basqarmasynyń basshysy qyzmetin atqarǵan edi.