Memlekettik keńesshi Erlan Qarınniń jáne Ulttyq quryltaıdyń bir top múshesiniń qatysýymen Shyǵys Qazaqstan oblysynda kezdesýler ótti.
Atap aıtqanda, Memlekettik keńesshi oblys ákimi Ermek Kósherbaevtyń, qala jáne aýdan ákimderiniń, memlekettik organdar basshylarynyń qatysýymen ishki saıasat máseleleri boıynsha jınalys ótkizdi. Jıynda azamattyq qoǵamdy damytý, el birligin nyǵaıtý, onomastıkalyq jumysty úılestirý, jastardy qoldaý salalaryndaǵy Prezıdent bastamalaryn júzege asyrý barysy jáne ıdeologııalyq jumystyń basqa da mańyzdy baǵyttary talqylandy.
Sondaı-aq Ulttyq quryltaı músheleri jergilikti sarapshylarmen júzdesip, Shyǵys Qazaqstan oblysynda júrgizilip jatqan taldaý jáne zertteý jumystaryna qatysty ózekti máselelerdi qozǵady. Basqosýǵa qatysýshylar ózara birlesken is-qımyldyń formatyn talqylap, óńirdegi qazirgi qoǵamdyq-saıası ahýal jóninde pikir almasty.
Memlekettik keńesshi Ulttyq quryltaıdyń múshelerimen birge Shyǵys Qazaqstan oblysynyń Qoǵamdyq keńes ókilderimen júzdesti. Is-sharada ol Prezıdenttiń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda memlekettik saıasat júrgizý isinde ekonomıkalyq reformalarǵa basymdyq berilgenin atap ótti.
Erlan Qarın elimizdiń ósip-órkendeýi úshin óndiristik áleýetimizdi tolyq paıdalanýǵa yqpal etetin júıeli sharalar qajet ekenin aıtty. Sondyqtan energııa qýatynyń jańa kózderin damytý, atap aıtqanda, atom elektr stansasyn salý óte ózekti másele ekenine nazar aýdardy. Memlekettik keńesshi atom elektr stansasy ekonomıkalyq ósimniń mańyzdy sharty ǵana emes, sonymen qatar Qazaqstannyń energetıkalyq derbestigin qamtamasyz etýge jol ashatyn tamasha múmkindik ekenin aıryqsha atap ótti.
О́ńirlerde kezdesý ótkizý jergilikti jurtshylyqpen dıalogti nyǵaıtýǵa, sondaı-aq Ulttyq quryltaıdyń qyzmeti aıasynda birlesip bastamalar men usynystar ázirleýge septigin tıgizedi.