Qazaqstanǵa 2024 jyldyń qańtar-maýsym aılary aralyǵynda 566,5 myń sheteldik týrıst kelgen. 2023 jyldyń sáıkes kezeńimen salystyrǵanda bul 50,7 myń adamǵa kóp, ıaǵnı byltyr elge 515,8 myń sheteldik kelgen, dep habarlaıdy Egemen.kz Ulttyq statıstıka bıýrosynyń baspasóz qyzmetine silteme jasap.
QR Týrızm jáne sport mınıstrliginiń baspasóz qyzmeti habarlaǵandaı, elimizge keletin sheteldik týrısterdiń geografııasy jyl saıyn keńeıip keledi.
Saıahatshylardyń eń kóbi Reseı Federasııasynan kelgen – 186,1 myń adam. Qytaılyq týrıster ekinshi orynda – 69 918 adam. Úshinshi orynda Úndistannan kelgen týrıster (53 695 adam) tur Úzdik bestikke Túrkııa (30 312) jáne AQSh (19 597) saıahatshylary kirgen.
«Ásirese Úndistan, Túrkııa jáne AQSh sııaqty elderden keletin sheteldik týrıster sanynyń artýy Qazaqstannyń álemdik týrıstik kartadaǵy tartymdy baǵytqa aınalyp kele jatqanyn ańǵartady. Biz týrızm ınfraqurylymyn damytyp, álemniń túkpir-túkpirinen kelgen saıahatshylarǵa qolaıly jaǵdaı jasaýdy jalǵastyramyz», dedi Týrızm ındýstrııasy komıtetiniń tóraǵasy Nurtas Káripbaev.