Arqalyqta kóktemgi sý tasqynynan zardap shekkenderge arnalyp salynǵan kópqabatty turǵyn úı paıdalanýǵa berildi. Jańa úıge Arqalyq qalasynan – 19, Amangeldi aýdanynan – 17, Jangeldın aýdanynan 14 otbasy qonystandy.
«Tumar» dep atalǵan turǵyn úı kesheniniń ashylý rásimine oblys ákiminiń orynbasary Arman Ábenov pen osy úıdi bir jazda salyp shyqqan «Bazis» qurylys kompanııasynyń basshysy Pavel Belovıch qatysty.
Sý tasqyny kezinde óńirge arnaıy kelip, el jaǵdaıyna qanyqqan Prezıdent Qasym-Jomart Toqaev memleket baspanasynan aıyrylǵandardy dalada qaldyrmaıtynyn, alaıda bul iske iri bıznes ókilderi de belsendi atsalysýy kerek ekenin qadap aıtqan. Kásipkerlerdi áleýmettik jaýapkershilikke úndegen Memleket basshysynyń osy sózinen keıin-aq «Bazis» kompanııalar toby ózine qarasty «OzatQazQurylys» seriktestigin bas merdiger etip bekitip, Arqalyqtaǵy Shaqshaq Jánibek kóshesiniń boıynan 5 qabatty úıdiń qurylysyn bastap ketken. Qurylys jumysy merziminde aıaqtalyp, úı daıyn bolǵan qyrkúıek aıynyń úshinshi kúni Ánýar Boranbaev atyndaǵy kınoteatrda oınatylǵan jerebe arqyly úshinshi, tórtinshi, besinshi qabat turǵyndary ózderine buıyrǵan páterdi anyqtap aldy.
Al birinshi, ekinshi qabatqa kópbalaly, úıinde jetpisten asqan qarııasy bar otbasylar men múmkindigi shekteýli jandar ornalasty.
Ádette bes qabatty úılerde lıft bolmaıtyn edi, al bul úıde lıft jumys istep tur. Kireberis esikterine beıneshaqyrǵysh qurylǵy ornatylǵan. Aınalasy abattandyrylǵan. Ádemi alleıasy, balalarǵa arnalǵan oıyn alańy, kólik turaǵy bar. Páterlerdiń bárine asúıge kerek tehnıka, tońazytqysh, jıhazdar ornatylǵan.
Turǵyndarǵa páter kiltterin tapsyrý rásiminde qonys ıelerin oblys ákiminiń orynbasary Arman Ábenov quttyqtady.
«Kóktemgi tabıǵı apat halyqqa edáýir materıaldyq shyǵyn keltirdi. Alǵashqy kezekte turǵyn úı ınfraqurylymy zaqymdandy. Memleket basshysy turǵyn úı máselesin tez arada sheshýdi tapsyrdy. Qalypqa keltirý jumystary dereý qolǵa alyndy. Oblys boıynsha barlyǵy 1 283 úı zaqymdandy, onyń ishinde 468 úı qalpyna keltirýge jatpaıdy. 815 úıdi jóndeý qajet boldy. 315 otbasyna daıyn turǵan úıler satyp alyndy. 153 otbasy ózderi jeke turǵyn úı salyp alamyz dep sheshti. Búgingi tańda úı satyp alý, salý jáne jóndeý jumystaryn tolyǵymen aıaqtadyq. Dál qazirgi tańda 468 otbasynyń jańa, jaıly baspanasy bar. Qonystanýshylar burynǵy turǵyn úı jaǵdaılaryn edáýir jaqsartty. Biz memleket pen qoǵamdyq qorlardyń birlesken jedel kúsh-jigeriniń nátıjesinde ǵana osyndaı qýanyshty kúnge jetip otyrmyz. Eń bastysy, qıyn-qystaý kezeńde jurt bolyp jumylyp, yntymaq pen birliktiń úlgisin tanyta bildik. Munyń bári elimizde uıymshyl, meıirimdi, janashyr azamattar kóp ekenin kórsetti. Búgin mine, sizderdiń aldaryńyzda turyp, tabıǵı apattyń saldaryn joıdyq dep nyq senimmen aıta alamyz», dedi A.Ábenov.
Saltanatty rásimde qýanysh ıeleriniń atynan Jangeldın aýdanyna qarasty Albarbóget aýylynyń burynǵy turǵyny Erkin Dosbergenov rızashylyǵyn bildirip, abyz aqsaqal Muhtar Hodenov aq batasyn berdi. Dástúrge saı shashý shashyldy. Az kúngi qıyndyqty umytqan aǵaıyn arqa-jarqa bolyp, birin-biri quttyqtasyp jatty.
Baspanaly bolǵandardyń ishinde keshegi joıqyn tasqyndy birinshi bolyp qarsy alǵan Qyzyljuldyz aýylynyń turǵyndary da bar. Tabıǵı apat, ásirese osy aýylǵa asa aýyr tıdi. Búginde qyzyljuldyzdyqtardyń deni Arqalyq qalasynda memleket bergen jaıly baspanada turyp jatyr.
«Keshegi tasqyn sýdan zardap shekken otbasylaryna Prezıdentimiz qamqorlyq jasap, pátermen qamtamasyz etip otyr. El atynan zor rızashylyǵymyzdy bildiremiz. Búgin mine, óz páterimizdiń kiltin alyp, erekshe kóńil kúıde, tolqyp turmyz. О́zime de, balama da jańa úıden páter berip jatyr. Qýanyshymyzda shek joq. Qıyn kezeńde dalada qaldyrmaı, kómek jasaǵan el basshylaryna rızashylyǵymyzdy bildiremiz. Úı jaqsy, jaıly. Kóńilimizden shyqty. Qurylysty júrgizgen kompanııaǵa da shyn júregimizden alǵys aıtamyz», deıdi Qyzyljuldyz aýylynyń burynǵy turǵyny Dúısenbaı Belgibaı.
Qostanaı oblysy,
Arqalyq qalasy