Qazaq topyraǵyna tabanyn tıgizgen japondyq qazaqsha biraýyz sóz bilmeıtin kórinedi, dep jazady Egemen.kz.
TikTok jelisin qoldanýshy japon jigitin kóshede adasyp júrgen jerinen kórip qalyp, úıine ertip aparǵan. Jas japon Qazaqstanǵa onyń ishinde Shymkentke atasynyń súıegin izdep kelipti, izdeý jumysyna vıdeo avtory endi onymen birge attanbaq.
Eske salaıyq, ekinshi dúnıejúzilik soǵystan keıin sovet bıligi japondardy Qazaqstanǵa tutqyn retinde ákelip, óndiris oryndarynda eńbek kúshi retinde paıdalanǵan. Temirtaý (Qaraǵandy oblysy) qalasynda japondardyń zıraty bar. Al taıaýda ShQO-nyń Rıdder qalasynda da japondar jerlengen mola tabylǵan.