QR Bala quqyqtary jónindegi ýákil Dınara Zákıeva kámeletke tolmaǵandar arasyndaǵy sýısıd problemasy, onyń aldyn alý, sebepterin anyqtaý jáne olarmen jumys isteý jónindegi sharalar jaıyna keńinen toqtaldy, dep habarlaıdy Egemen.kz.
Kámeletke tolmaǵandar arasyndaǵy sýısıd problemasy, onyń aldyn alý, sebepterin anyqtaý jáne olarmen jumys isteý jónindegi sharalar keshe Memlekettik keńesshi Erlan Karınniń tóraǵalyǵymen ótken memlekettik organdar ókilderiniń qatysýymen ótken keńeste qaraldy. Osy keńeste talqylanǵan máseleler jaıynda Dınara Zákıeva Facebook-tegi paraqshasynda arnaıy jazba jarııalady:
«IIM málimetteri boıynsha, balalar arasynda sýısıd jasaýshylardyń ortasha jasy 15-17 jasty quraıdy, alaıda odan da erte, ıaǵnı 11-13 jastaǵylar arasynda da jaǵdaılar jıi kezdesedi. Negizgi sebepteri:
jalǵyzdyq, ata-analarymen, týystarymen, qurdastarymen qarym-qatynasy, býllıng, qorqytyp-úrkitý qurbany bolǵanda, sonymen qatar, qazirgi álemde áleýmettik jeli de sýısıdke túrtki bolyp jatatyny jasyryn emes.Osyǵan baılanysty atalǵan keńeste kıberqaýipsizdik máseleleri talqylandy. Bıyl Mádenıet jáne aqparat mınıstrligi sýısıdti nasıhattaıtyn aqparatty taratýdyń 22 faktisin anyqtady, onyń nátıjesinde 19 materıal joıyldy; zorlyq-zombylyqty nasıhattaıtyn aqparatty taratýdyń 157 faktisi, onyń ishinde 56 ınternet-resýrs shekteldi; sondaı-aq 101 materıal boıynsha habarlamalar jiberildi.
Ýákil búgingi tańda atalǵan mınıstrlik Telegram jáne Meta ókilderimen baılanysyp, balalardy tartý úshin paıdalanylýy múmkin belgili bir ataýlary bar barlyq toptardy joıýdy suraǵanyn basa atap ótti.
«Keńeske qatysýshylar ata-analarmen aqparattyq jumys júrgizý týraly máseleni kóterdi. Atap aıtqanda, ata-analar balalardyń minez-qulqyndaǵy qandaı ózgeriske nazar aýdarýy kerek jáne balanyń kómekke muqtaj ekenin qalaı túsinýge bolatyndyǵy turǵysynda», deıdi ol.
Onyń aıtýynsha, aldyn alý sharalaryna balanyń habarlasý quraldaryn qurý jatady.
«Sondyqtan biz SDIAО́M-men balalar da jıi júginetin 111 baılanys ortalyǵynyń jumys sapasyn arttyrý boıynsha jumys istep jatyrmyz. Máselen, jaqynda zorlyq-zombylyqqa ushyraǵan qyz habarlasty, onyń óz-ózine qol jumsaý nıeti bary anyqtaldy. Qońyraý nátıjesinde kúdikti ustaldy, tergeý júrip jatyr. 11 aıda psıhoemosıonaldy jaǵdaı jáne sýısıd jasaýǵa nıettený máseleleri boıynsha 1 237 ótinish túsken. Barlyǵy 75 myń qońyraý tústi. Árıne, mektepterdegi balalarmen jumys jaıy da talqylandy», deıdi ombýdsmen.