PETROPAVL. 27 qańtar. Petropavlda adamdardyń senimine kirmek bolǵan alaıaqtyń qolǵa túsýine bankterdiń shaǵymy negiz boldy. Bul týraly Soltústik Qazaqstan oblystyq ishki ister departamentiniń baspasóz qyzmeti habarlady.
Petropavldyq 28 jastaǵy turǵyn ǵalamtor qyzmetin paıdalanýshylarǵa qısapsyz hat joldap, belgili kestelerdi toltyrýyn ótinip otyrǵan. Osylaısha, jeke adamdardyń qupııa kodtaryn, parolderin, nesıe kartalaryn bilip alǵan.
Bankterdiń der kezinde dabyl qaǵýynyń arqasynda krımınaldyq polısııa qyzmetkerleri onyń izine túsip, qolǵa túsirdi. Tergeý barysynda eshqaıda ketpeý jóninde qolhat bergen onyń eki banktiń atynan áreket etip, bógde adamdardyń nesıe kartalaryn paıdalaný arqyly kommýnaldyq tólemder men telefon shyǵyndaryn ótep alǵany anyqtaldy.
О́mir Esqalı.
Derek: Soltústik Qazaqstan oblystyq ishki ister departamentiniń baspasóz qyzmeti.
Sýret: delta.ru.