Qostanaı oblysynda órt beketiniń jańa ǵımaraty ashyldy (foto)

QOSTANAI. 15 maýsym.  Áýlıekól aýdanyndaǵy Dıev aýylynda órt beketi úshin jańa ǵımarat ashyldy. Bul týraly egemen.kz tilshisi habarlady. Áýlıekól aýdany aýdanyna qarasty Dıev aýylynda ótken jyly jazda aýdan ákimdigi jáne osyndaǵy «Dıev agrofırmasy» jaýapkershiligi shekteýligi seriktestiginiń qoldaýymen erikti órt komandasy úshin órt beketi ashylǵan bolatyn.  Mine, bir jyl ótkennen keıin órt beketi jańa ǵımaratqa ornalastyryldy. Bekette táýliktik qyzmet atqaratyn qyzmetkerler demalý úshin barlyq qajetti jaǵdaı jasalǵan. Dıspecherlik, tamaqtaný, jýynatyn bólmeleri jáne garaj bar. Beket shtatynda 4   júrgizýshi, 7 órt sóndirýshi –barlyǵy 11 adam  jumy isteıdi.   Dıev aýylyndaǵy beketi órt-tehnıkalyq jaraqtarmen jabdyqtalǵan, 1 «AS-40(131) -137A» avtomobıli, JJM rezervi bar, jeke qurama  arnaıy qolǵappen,  kıimmen  qamtamasyz etilgen. Aýyldaǵy órt sóndirý beketine «Dıev» agrofırmasy» seriktestiginiń barlyq sharýashylyq nysandary jáne Dıev aýyldyq okrýginiń ákimshilik aýmaǵy, sonymen qatar sol tóńirektegi  ormandy-dalaly jerler jáne   Úshqarasý, Pogranıchnyı jáne Qosaǵal eldi mekenderin tilsiz jaýdan qorǵaý júktelgen. Jańa órt beketiniń ashylý saltanatyna Áýlıekól aýdanynyń ákimi A. Balǵarın, «Dıev» agrofımasy» JShS bas dırektory O. Danılenko, Qostanaı oblysynyń Tótenshe jaǵdaılar departamentiniń bastyǵy órtke qarsy qyzmet polkovnıgi T.Kákimov, О́SBjPJB bastyǵy órtke qarsy qyzmet polkovnıgi A. Ospanov, Áýlıekól aýdanynyń TJB bastyǵy, órtke qarsy qyzmet podpolkovnıgi D.Tórejanov qatysty. Áýlıekól aýdany Dıev   órtten qutqarý beketiniń ashylýy shalǵaı eldi mekenderdegi turǵyndardyń qaýipsizdik deńgeıin joǵarylatty. О́ıtkeni   buryn munda órt sóndirý kúshteri ýaqytynda kelip úlgermeıtin. Názıra Járimbetova. Derek, sýret: egemen.kz