Senat depýtattary Súıindik Aldashev pen Bekbol Orynbasarov Mańǵystaý oblysynda munaı-gaz salasynyń qyzmetkerlerimen jáne munaıshylarmen kezdesý ótkizdi, dep habarlaıdy Egemen.kz.
Atalǵan kezdesýde elimizdegi elektr qýaty tapshylyǵyn aldyn ala boldyrmaýdyń birden-bir tıimdi joly retinde AES salý qajettigine erekshe nazar aýdaryldy. Jıyn barysynda senatorlar AES jobasyn júzege asyrý halyqaralyq eń joǵary standarttar men el múddesine sáıkes keletinin jetkizdi.
«Energetıkalyq táýelsizdik – Qazaqstannyń turaqty damýynyń kepili. Biz atom elektr stansasynyń turaqty energııa kózi ǵana emes, sonymen birge uzaq merzimdi keleshekte elimizdiń energetıkalyq qaýipsizdigin qamtamasyz etýdiń kepili ekenin túsinemiz. Memleket basshysynyń bastamasyn qoldap, referendýmǵa belsene qatysý – bizdiń turaqty bolashaqqa ortaq qadamymyz», dedi Súıindik Aldashev.