Áleýmettik jelini tıimdi paıdalanatyndar ıgiligine jarata biledi. Soǵan beıimdelgen de abzal. Týrızm jáne sport mınıstrligimen jáne «Kazakh Tourism» ulttyq kompanııasymen yntymaqtastyq ornatyp, aýqymdy jobany iske qosty. Qazirgi ýaqytta ıgi bastamanyń órisinde elimizdiń kórikti aımaǵyna saıahattaýǵa shaqyratyn 8 myńnan astam beınerolık Qazirgi ýaqytta ıgi bastamanyń órisinde elimizdiń kórikti aımaǵyna saıahattaýǵa shaqyratyn 8 myńnan astam beıne rolık #GıdPoKazahstaný platformasynda jarııalandy.
Bul jobany damytýǵa belsendi kreator saıahatshylardyń tıgizer kómegi zor. Solardyń biri – Aıbar Tóleýbek (@aibar_toleubekov). Onyń Qazaqstannyń ár aımaǵyna jasaǵan avto saıahattaryn qyzyǵa tamashalaıtyn myńdaǵan jazylýshylary ár saparyn yntyǵa kútedi. Aıbar Qazaqstandy saıahattaý arqyly da nasıhattap, platformanyń kómegimen ózgelerge týǵan jerdiń mádenı murasy men tabıǵı qazynasyn tanystyrýdy azamattyq paryzy sanaıtynyn jetkizdi.
– Qazaqstandy aralap saıahattaýdy qashan bastadyń? TikTok áleýmettik jelisinde sapardyń qyzyqty sátterin bólisý ońtaıly sheshim bolǵan eken.
– 3-4 jyl buryn Qazaqstanda saıahattaýǵa jáne ishki týrızmniń damýyna ózimniń úlesimdi qossam degen oı týdy. О́zim únemi elimizdiń tabıǵatynyń alýan túrligi men tańǵajaıyp keremetine tánti bolyp, kózim toıat tapqan tańǵajaıyp mekendi ózge de azamattar tamashalasa deýshi edim. Osylaısha qysqa beıne rolıkter túsirip, kontentti jandy jáne ınteraktıvti etip ázirleýge kúsh saldym.
– Áleýmettik jelidegi jazylýshylaryńyzǵa kóbinese ne unaıdy?
– Men ózim avtokólikpen saıahattaýdy ońtaıly kóremin. Bul jaı ǵana A núktesinen V núktesine jetý emes, ár jerdiń atmosferasyna ený, beımálim tusqa toqtap, eldiń jasyryn buryshtaryn zertteýge taptyrmas múmkindik. Meniń jazylýshylarym bul formatty jyly qabyldaıdy.
- Jabaıy janýarlar: aıý, jabaıy qabandar qalaı nysanańyzǵa ilinip júr?
– Túrkistan oblysynyń Túlkibas aýdanyndaǵy Aqsý-Jabaǵyly memlekettik qoryǵynda mekendeıtin qońyr aıý – obektıvime ilingen alǵashqy ań bolǵandyqtan da men úshin erekshe jumys sanalady.
Aıta ketetin jaıt, jabaıy janýarlardy túsirý bizdiń zańnamamen qatań retteledi. Arnaıy qujattar men ruqsattardy alý kóptegen qıyndyqtar týǵyzdy, biraq biz ony uzaq qashyqtyqtan sapaly kadrlar túsirýge múmkindik beretin drondy ushyrý arqyly túsirip aldyq. Budan ózge de birneshe basqa qoryqqa bardym, ol jaqtaǵy «Qyzyl kitapqa» engen jabaıy jan-janýar men ań-qustardy arnaıy ruqsatpen ǵana foto, vıdeoǵa túsire aldym.
– Qazaqstannyń kórikti jerlerin kórýdi maqsat tutqan saıahatshylarǵa qandaı keńes aıtar ediń?
– Saıahattaýǵa qyzyǵýshylyq tanytqandarǵa tek baǵyttyń ózine ǵana emes, saparda sizdiń janyńyzdaǵy adamdarǵa da erekshe nazar aýdarýǵa keńes beremin. Saparlas serigińizdiń sizdi qoldaǵany, yntalandyrǵany jáne kómekteskeni mańyzdy. Joǵaryda aıtqanymdaı, sapardy aldyn ala josparlap, tájirıbeli dostaryńyzben baǵytty talqylaý jáne naqty saıahat baǵytyn túzý kerek. Sondaı-aq, eger siz belgili bir óńirdi tańdasańyz, ol týraly áleýmettik jeliler nemese Google arqyly múmkindiginshe kóbirek aqparat jınańyz. Mysaly:Onda qandaı qyzyqty oryndar bar? Jergilikti halyqtyń erekshelikteri qandaı?Bul týrıstik baǵyt qanshalyqty tanymal? Onda qandaı qonaq úıler bar jáne qyzmet kórsetý sapasy syn kótere me?
Mysaly, siz Altyn Emel qoryǵyna barǵyńyz kelse, aldymen jazıraly Jetisý óńiri týraly mańyzy zor paıdaly aqparatqa keneltip, jón silteıtin «VisitZhetysu» aqparattyq ortalyǵyna habarlasqanyńyz abzal.
Áńgimelesken
Qýanysh NURDANBEKULY