Senat depýtaty Ǵalıasqar Sarybaev atom energetıkasyn damytý máselelerin talqylaý sheńberinde Jetisý oblysynda pedagogıkalyq ujymdarmen, sondaı-aq, birneshe aýdandardyń turǵyndarymen kezdesti, dep habarlaıdy Egemen.kz.
Senattyń baspasóz qyzmetiniń málim etýinshe, atalǵan kezdesýlerde Ǵalıasqar Sarybaev barlyq qaýipsizdik sharalary saqtala otyryp, Qazaqstanda AES salý jobasyn iske asyrýǵa múmkindik beretin aıtarlyqtaı energetıkalyq áleýet pen aýqymdy tabıǵı resýrstar bar ekenin atap ótti.
«Atom elektr stansasynyń iske qosylýy ekonomıkanyń ósýine, azamattardyń áleýmettik ál-aýqatyn jaqsartýǵa, elektr energııasymen turaqty qamtamasyz etýge jáne elimizge iri ınvestısııa tartýǵa mańyzdy qadam bolmaq. Osyndaı strategııalyq másele boıynsha referendým ótkizý «Halyq únine qulaq asatyn memleket» tujyrymdamasynyń tıimdiligin jáne árbir azamat daýysynyń mańyzyn kórsetedi», dedi senator.
Kezdesýler barysynda is-sharaǵa qatysýshylar atom energetıkasynyń damýy jáne óńirdegi ekologııalyq jáne ekonomıkalyq jaǵdaıǵa áseri týraly suraqtar qoıyp, pikirlerin bólisti.