Fýtzaldan Qazaqstan quramasy álem chempıonatynda sensasııa jasady! Oıynshylarymyz Tashkentte 1/8 kezeńde qazirgi álem chempıony Portýgalııadan basym tústi.
Esep: 2-1
Goldar: Shyńǵys Esenamanov (10-mınýt, 1-0), Zıkı Te (1-1), Arnold Knaýb (39 mınýt, 2-1)
Endi shırek fınalda Qazaqstan 3 qazanda Tashkentte Argentına/Horvatııa quramasynyń birimen kezdesedi. Argentına – osyǵan deıingi álem chempıonatynyń kúmis júldegeri.
Eki qurama osyǵan deıin 2021 jyly Lıtvada ótken Álem Kýbogynyń jartylaı fınalynda kezdesip, penaltı serııasynda Pereneı túbeginiń ókili jeńisti toılaǵan.
Eske sala keteıik, Ulttyq qurama álem chempıonatynyń pleı-off kezeńine D tobynan 2-orynmen shyqty. Rıkardo Kaka baptaıtyn oıynshylar Ispanııamen teń túsip (1-1), keıin Lıvııany (8-0) jáne Jańa Zelandııany (10-0) jeńgen.