Qazaqstan men Reseı Federasııasynyń Kólik mınıstrlikteri «Rıdder-Novosıbırsk» halyqaralyq temirjol qatynasyn qalpyna keltirý týraly kelisimge keldi, dep habarlaıdy Egemen.kz vedomstvonyń baspasóz qyzmetine silteme jasap.
QR Kólik mınıstri Marat Qarabaevtyń aıtýynsha, poıyzdar 2024 jyldyń 18 jeltoqsanynan bastap tórt kúnde bir ret júre bastaıdy.
Aıta keteıik, «Reseı temir joldary» AQ qyzmet kórsetetin №407/408 «Rıdder-Novosıbırsk» halyqaralyq poıyzy 250 jolaýshyǵa arnalǵan 6 vagonnan (3 kýpe, 3 plaskart) turady.
«Joǵaryda atalǵan poıyz aýany baptaý jáne beınebaqylaý júıelerimen, bıoájethana keshenderimen, rozetkalarmen, mobıldi qurylǵylardy/gadjetterdi qýattaýǵa arnalǵan USB porttarymen jáne ár orynnyń janynda jeke jaryqtandyrýmen jabdyqtalǵan», delingen vedomstvo habarlamasynda.