Muhtar Áýezov atyndaǵy Ońtústik Qazaqstan ýnıversıtetiniń rektory Qaırat Nurmanbetov eki aıǵa qamaýǵa alynǵan, dep habarlaıdy Egemen.kz.
Sot rektordy 2024 jyldyń 18 qarashasyna deıin, kepil mólsheri anyqtalmaı, qamaýǵa alý týraly sheshim shyǵarǵan.
«Sotqa deıingi tergep-tekserýdiń ózge derekteri QR Qylmystyq-prosestik kodeksiniń 201-babynyń talaptaryna sáıkes jarııa etilmeıdi», dep túsindirdi sot.
Sonymen qatar rektor 28,5 mıllıon teńge kóleminde para aldy degen kúdikke ilingen.
Qaırat Nurmenbektovtyń ózi 20 qyrkúıekte ustalǵan. Onymen birge ýnıversıtettiń qarjy bóliminiń meńgerýshisi Aıgúl Sársenbaeva, onyń kúıeýi B.Tólebekov, sondaı-aq para berýshiniń ózi «Galamstroı Grýpp» JShS dırektory da tergeýge alynǵany habarlandy.