Senatorlar Lázzat Rysbekova men Arman О́teǵulov Oral qalasyndaǵy Jelaev astyq ónimderi kombınatynyń jáne Báıterek aýdanyndaǵy kásiporyndar ujymdarymen kezdesýler ótkizdi, dep habarlaıdy Egemen.kz.
Senatorlar kezdesý barysynda kásiporyn qyzmetkerlerimen birge AES qurylysy men jumysynyń jalpy máselelerin jáne óndirilgen energııany shalǵaı aýdandarǵa jetkizý isin talqylady. Lázzat Rysbekova qazir tozyp bitken elektr jelileriniń máselesin sheshý mańyzdy ekenin, bul energııanyń aıtarlyqtaı joǵalýyna ákeletinin atap ótti.
«AES ónerkásip kásiporyndary úshin de, halyq úshin de jetkilikti energııa óndire alady. Alaıda, eskirgen elektr jelisiniń ınfraqurylymyna baılanysty elektr energııasynyń edáýir bóligi joǵalyp ketedi. Sondyqtan atom stansııasyn salýmen qatar elektr jelisin jańǵyrtýǵa da nazar aýdarý qajet», dep atap ótti senator Lázzat Rysbekova.
Elektr energııasyna tarıfterdiń qoljetimdiligi – talqylaýdyń negizgi taqyrybynyń biri boldy. Senator Arman О́teǵulov elektr energııasynyń jetkilikti qamtamasyz etý basym mindet bolǵanymen, tarıftik saıasat halyqtyń barlyq sanatynyń kiristerin jáne kásiporyndardyń ereksheligin eskerýi tıis ekenine nazar aýdardy.