QR Parlamenti Senaty Tóraǵasynyń orynbasary Jaqyp Asanov pen RF Federaldyq Jınalysy Federasııa Keńesi Tóraǵasynyń Birinshi orynbasary Andreı Iаskın Yntymaqtastyq jónindegi komıssııanyń 22-shi otyrysyn ótkizdi, dep habarlaıdy Egemen.kz.
Sharaǵa senatorlar Andreı Lýkın, Olga Býlavkına, Janna Asanova, Nurııa Nııazova jáne Sáken Arýbaev qatysty.
Senatorlar reseılik áriptesterimen energetıka jáne kólik logıstıkasy salasyndaǵy ekijaqty yntymaqtastyqtyń negizgi máselelerin, óńiraralyq jáne shekara mańyndaǵy ózara is-qımyldyń keleshegin, sondaı-aq Uly Otan soǵysy batyrlarynyń tarıhı esteligin saqtaý sharalaryn talqylady.
Jaqyp Asanov óz sózinde Reseı Qazaqstan úshin eń mańyzdy strategııalyq áriptes jáne senimdi odaqtas ekenin atap ótti.
«Prezıdentterdiń dostyq qarym-qatynasy barlyq deńgeıdegi baılanystardyń sıpatyn belgilep berdi. Eki el parlamentteriniń baılanystary boıynsha qarqyndy ún qatysý óristep keledi. Qazaqstan men Reseıdiń Úkimet basshylarynyń, salalyq memlekettik organdar basshylarynyń kezdesýleri turaqty túrde ótýde. Meniń oıymsha, biz óz tarapymyzdan komıssııanyń jumysy eki memleketke de barynsha paıda ákelýi úshin qoldan kelgenniń bárin jasaýymyz kerek», dedi Jaqyp Asanov.
Reseı tarapy óz kezeginde yntymaqtastyqty odan ári nyǵaıta túsýge daıyn ekenin bildirdi. Andreı Iаskın syndarly dıalog pen birlesken jobalardy iske asyrý ekijaqty qatynastardy damytýǵa jáne Reseı men Qazaqstan arasyndaǵy strategııalyq áriptestikti tereńdetýge yqpal etetinin atap ótti.