Almatyda densaýlyq saqtaý salasyndaǵy ǵylymı yntymaqtastyqty damytý máselesi talqylandy, dep habarlaıdy Egemen.kz.
Búgin Almatyda QR Densaýlyq saqtaý birinshi vıse-mınıstri Tımýr Sultanǵazıevtiń tóraǵalyǵymen UQShU-ǵa múshe memleketterdiń ýákiletti organdarynyń Úılestirý keńesiniń IV otyrysy ótti.
Is-sharaǵa Belarýs Respýblıkasynyń, Qyrǵyz Respýblıkasynyń, Reseı Federasııasynyń, Tájikstan Respýblıkasynyń delegasııalary jáne UQShU Hatshylyǵynyń ókilderi qatysty.
Kezdesý barysynda tájirıbe almasý jáne ǵylymı yntymaqtastyqty damytý jónindegi is-sharalar josparynyń iske asyrylý barysy qaraldy. Ulttyq delegasııalardyń basshylary ózara is-qımyl perspektıvalary týraly pikir almasty. Úılestirý keńesiniń qorytyndysy boıynsha taraptar halyqaralyq deńgeıdegi ózara is-qımyl qajettigin rastady.