Batys Qazaqstan oblysynda josyqsyz qurylys salýshylar 32 jábirlenýshige 490 888 000 teńge kóleminde shyǵyn keltirilgen, dep habarlaıdy Egemen.kz BQO oblystyq prokýratýrasy baspasóz qyzmetine silteme jasap.
Aıyptalýshylar azamattardan aqsha alý úshin aldamshy shemalardy qoldanǵan.
Olar áleýmettik jelilerde, sondaı-aq ártúrli ınternet-jarnama platformalarynda taýnhaýstar salýdy usynatyn aqparatty ornalastyrǵan.
О́zderin kásipker retinde tanystyryp, jer telimderi joq bola tura tutynýshylardan aldyn ala qarajat alyp, olardy qurylys kelisimshartynyń oryndalatynyna sendiredi.
Qomaqty qarajatty qaltasyna basqan alaıaqtar kelisim-shartta belgilengen merzimde turǵyn úı salýǵa ýáde berip, biraq is júzinde oryndamaı, úleskerlerdi áýre-sarsańǵa salady.
«Oral qalasy prokýratýrasy eki aıyptalýshynyń asa iri kólemde alaıaqtyq áreketter jasaǵanyn dáleldedi. Sotta aıyptalýshylar jábirlenýshilermen azamattyq-quqyqtyq qarym-qatynastyń bar ekenin alǵa tartyp, kinásin moıyndamady. Alaıda sot aıyptalýshylardy kináli dep taýyp, 6 jáne 7 jylǵa bas bostandyǵynan aıyrdy. 32 úleskerge 490 888 000 teńge kóleminde keltirilgen shyǵyn jábirlenýshilerdiń paıdasyna tolyq kólemde óndirildi» delingen BQO oblystyq prokýratýrasy baspasóz qyzmetiniń habarlamasynda.