Úkimet músheleri turǵyn úıin jalǵa berip, odan tabys túsirýi múmkin. Tıisti túzetýdi Sybaılas jemqorlyqqa qarsy is-qımyl týraly Zańǵa engizý usynyldy, dep habarlaıdy Egemen.kz.
Búgin Májilis depýtattary atalǵan zańǵa ózgerister men tolyqtyrýlar engizetin zań jobasyn qarady. Zań jobasyna mynadaı túzetýlerdi engizý kózdelgen:
Úkimet múshelerine óz menshigindegi turǵyn úıdi múliktik jaldaýǵa berýge jáne odan tabys alýǵa tyıym salatyn norma alynyp tastaldy; Memlekettik fýnksııalardy oryndaýmen syıyspaıtyn qyzmetpen aınalysýǵa tyıym salýǵa baılanysty shekteýlerdi saqtaý bóliginde qoldanystaǵy memleket qyzmetkerleri men olardyń mindetin ýaqytsha atqarýshylardyń quqyǵy teńestirildi. Paıdalanylýy tabys alýǵa ákep soǵatyn múlik senimgerlik basqarýǵa berilmegen jaǵdaıda memlekettik saıası jáne ákimshilik qyzmetshiler úshin memlekettik qyzmetti toqtatý sharttary naqtylandy.