Qazaqstan Respýblıkasynyń Syrtqy ister mınıstrligi Taıaý Shyǵystaǵy shıeleniske qatysty shuǵyl brıfıng ótkizdi, dep jazady Egemen.kz.
Syrtqy ister mınıstrliginiń resmı ókili Aıbek Smadııarov Taıaý Shyǵystaǵy shıelenister saldarynan Qazaqstan azamattary zardap shekpegenin aıtty.
«Izraıl, Iran jáne Lıvanda zardap shekken nemese qaza tapqan otandastarymyz týraly aqparat túsken joq. Osy oraıda Qazaqstan azamattaryn atalǵan elderde konsýldyq esepke turýdy shaqyramyz. Qazirgi ýaqytta Izraıl, Iran jáne Lıvanda turatyn Qazaqstan azamattarynan turyp jatqan jerlerinen shyqpaýǵa, qaýipsizdik sharalaryn barynsha kúsheıtip, saqtyq pen qyraǵylyq tanytýdy suraımyz», dedi Aıbek Smadııarov.
Mınıstrlik usynǵan derekterge sáıkes, Qazaqstannyń konsýldyǵy esebinde Izraılde - 120 azamat, Iranda - 102 azamat jáne Lıvanda - 139 azamat turady. Onyń ishinde dıplomattar men olardyń otbasy músheleri de bar.
«Qaıtalap aıtamyn, atalǵan elderdegi Qazaqstan elshiligi ókilderimen baılanys ornatý asa mańyzdy. Syrtqy ister mınıstrliginde, Izraıl, Iran jáne Lıvanda jedel jeliler iske qosyldy. Tolyq aqparat SIM-niń jáne elshilikterdiń resmı resýrstary men áleýmettik jelilerinde jarııalanady», dep qosty Aıbek Smadııarov.