Shyǵys Qazaqstan oblysynyń polıseıleri qos azamattyǵy bar 48 adamdy anyqtady, dep habarlaıdy Egemen.kz Polisia.kz-ke silteme jasap.
ShQO polısııa departamentiniń kóshi-qon qyzmeti basqarmasy qos azamattyǵy bar oblys aýmaǵynda turatyn adamdardy anyqtaý úshin únemi tekserýler júrgizedi. Mysaly, О́skemen qalasynyń 59 jastaǵy turǵyny 2021 jyldyń mamyr aıynda kórshi memlekettiń azamattyǵyn alǵan, biraq bul týraly zańda belgilengen merzimde quqyq qorǵaý organdaryna habarlamaǵan.
«Sheteldiktiń jeke kýáligi men Qazaqstan Respýblıkasy azamatynyń tólqujaty tárkilenip, Qazaqstan azamattyǵynan aıyrý tirkeldi. Zańdy buzǵany úshin er adam 200 AEK kóleminde aıyppul tóledi», dedi ShQO PD kóshi-qon qyzmeti basqarmasynyń bastyǵy Rınat Shkıbaev.
Jalpy jyl basynan beri tártip saqshylary qos azamattyqty resimdegen oblystyń 48 turǵynyn anyqtady, onyń 9-y sot sheshimi boıynsha el aýmaǵynan shyǵaryldy.