Búgin oblystaǵy daýys berý ýchaskeleri tańǵy saǵat 7:00-den bastap ashyldy. Qazaqstan Respýblıkasynyń Ánurany shyrqalyp, turǵyndar tań sáriden daýys berýge qatysty, dep habarlaıdy Egemen.kz.
Mańǵystaý oblysynda 435 162 adam daýys berýge quqyly. 250 ýchaskede 1 734 adam jumys istep jatyr.
250 ýchaskeniń 238-i halyqpen tikeleı jumys isteıdi. Al 12 jabyq saılaý ýchaskesinde aýysym qyzmetkerleri, tergeý ızolıatoryndaǵy tutqyndar, aýrýhanadaǵy naýqastar daýys beredi.
«Respýblıkalyq referendým týraly» Konstıtýsııalyq zańnyń 4-babynyń 4-tarmaǵyna sáıkes referendýmǵa qoǵamdyq birlestikterdiń ókilderi, shet memleketterden jáne halyqaralyq uıymdardan baıqaýshylar qatysady. Oblysta 6 qoǵamdyq birlestik akkredıtasııadan ótken. Referendým kezinde erekshe qajettilikteri bar azamattarǵa erekshe kóńil bólinedi. Qazirgi tańda oblysta daýys berý quqyǵyna ıe 2 923 múmkindigi shekteýli azamat turady. Olar úshin arnaıy bólmeler daıyndaldy.