№ 3502 áskerı bóliminiń jaýyngerleri mańyzdy is-sharadan qalys qalmady, dep habarlaıdy Egemen.kz.
Olardy ertip kelgen bólim komandıriniń tárbıe jáne áleýmettik quqyqtyq jumystar jónindegi orynbasary podpolkovnık Nurjan Ibraev áskerı bólimdegi jas sarbazdar saıası naýqanǵa túgel qatysqanyn aıtty.
Olardyń arasynda daýys berý quqyǵyn alǵash ret ıelenip jatqan jas sarbazdar da bar. Túrkistan oblysynan kelgen jas sarbaz Qýanysh Alǵashbektiń jasy 18-de.
«Bul meniń alǵash ret daýys berýim. Referendýmǵa qatysý árbir azamattyń boryshy dep oılaımyn. Azamattyq ustanymymdy bildirip, Qazaqstannyń bolashaǵy úshin jasalyp jatqan búgingi referendýmda daýys berýimdi ózim úshin mańyzdy qadam dep esepteımin», deıdi ol.
Otan aldyndaǵy boryshtaryn ótep júrgen barlyq qatardaǵy jaýyngerler arnaıy sappen kelip, № 6656 áskerı bóliminde ornalasqan № 38 saılaý ýchaskesinde daýys berdi.
Mańǵystaý oblysy