Bul týraly Qazaqstan Respýblıkasynyń Ázerbaıjandaǵy elshiligi janyndaǵy №394 daýys berý ýchaskesiniń komıssııa tóraǵasy Edil Myrzahanov málimdedi, dep habarlaıdy Egemen.kz.
«Qazaqstan Respýblıkasynyń Ázerbaıjandaǵy elshiliginde №394 saılaý ýchaskesi óz jumysyn tańǵy 7:00-den bastady. Bizdiń Bakýdegi azamattarymyz el úshin osy mańyzdy másele boıynsha azamattyq ustanymdaryn bildirý úshin belsendilik tanytyp keledi. Jalpy, Búgin biz 180-ge jýyq adamdy, onyń ishinde Ázerbaıjannyń joǵary oqý oryndarynda oqıtyn stýdentterdi qabyldaıdy», dep bólisti Edil Myrzahanov.
Onyń málimetinshe, 13:00-degi jaǵdaı boıynsha daýys ýchaskesinde 123 saılaýshy daýys bergen.
Esterińizge sala keteıik, daýys berý naýqany jergilikti ýaqyt boıynsha 20:00-de aıaqtalady. Daýys berý úshin ózińizben birge qoldanystaǵy pasport nemese QR azamatynyń jeke kýáligi bolýy qajet.
№ 394 saılaý ýchaskesiniń mekenjaıy: Baký qalasy, N. Rafıev kóshesi, 14.