12–13 qazanda Aqtaýda dzıýdodan erler men áıelder arasyndaǵy Azııanyń ashyq kýbogi ótedi. Mańǵystaý oblysynda kúrestiń osy túriniń damýyna úlken úles qosqan Turar Joldybaevty eske alýǵa arnalǵan jarysta Mońǵolııa, Gonkong, Úndistan, Iran, Ázerbaıjan, Qyrǵyzstan, Tájikstan, О́zbekstan, Qazaqstannan 200-ge jýyq sportshy baq synaıdy.
Qazaqstan Ulttyq Olımpıada komıtetiniń (UOK) prezıdenti Gennadıı Golovkın Paragvaıdyń Asýnson qalasynda ótken Panam Sports Bas assambleıasyna qatysty. Is-shara barysynda ol Halyqaralyq Olımpıada komıtetiniń (HOK) prezıdenti Tomas Bahpen kezdesti. Golovkın Bahty ózi basqaryp otyrǵan World Boxing Olımpıada komıssııasy jumysynyń barysymen tanystyryp, aldaǵy josparlary týraly aıtty.
6–9 qarasha aralyǵynda shaıbaly hokkeıden Almatyda jalaýy jelbireıtin Azııa chempıonatynyń kestesi jarııalandy. Aınalmaly júıeden ótetin jarysta myna komandalar ózara sheberlik baıqasady: 6 qarasha – Japonııa men Qytaı (16:00). 6 qarasha – Qazaqstan men Ońtústik Koreıa (19:30). 8 qarasha – Japonııa men Ońtústik Koreıa (16:00). 8 qarasha – Qazaqstan men Qytaı (16:00). 9 qarasha – Qytaı men Ońtústik Koreıa (16:00) jáne 9 qarasha – Qazaqstan men Japonııa (19:30).
ÝEFA fýtzaldan ulttyq komandalardyń reıtıngin jarııalady. Álem chempıonatynyń shırek fınalynda Argentınadan oısyraı utylǵanyna qaramastan, el quramasy (2699,121) ekinshi orynda tur. Kósh basynda – Portýgalııa (2940,953). Úzdik úshtikti Ispanııa (2634,351) túıindep tur. Sondaı-aq TOP-10-dyqqa Reseı (2547,159), Ýkraına (2269,716), Fransııa (2205,201), Horvatııa (2007,949), Fınlıandııa (1970,212), Nıderland (1955, 848), Polsha (1924,072) quramalary endi.
Italııalyq Nıkol Fossamen juptasyp óner kórsetken qazaq tennısshisi Jibek Qulambaeva Brazılııanyń San-Paýlý qalasynda ótken ITF W75 týrnırinde top jardy. Júlde qory 75 000 dollar quraǵan jarystyń jartylaı fınalynda olar Brazılııa men Bolıvııanyń dýeti Taısa Pedrettı/Neolıı Sebalosqa san soqtyrsa, aqtyq synda Elenı Hrıstofı (Grekııa)/Avrora Zantedeshıden (Italııa) 3:6, 6:2, 10:4 esebimen basym tústi.