Osydan týra bir jyl buryn Memleket basshysy halyqqa Joldaýynda elde AES qurylysyn salý tek referendým arqyly ǵana sheshiletinin aıtqanyn umytqan joqpyz. Bıylǵy Joldaýdan keıin kóp talqysy bolatyn kún naqtylanyp, el sony eleńdeı kútti.
Bul iste asyǵystyq boldy dep eshkim aıta almaıdy. Jyl boıy qoǵamdyq tyńdaýlar, keń aýqymdy talqylaýlar ótip, ondaǵy mamandardyń oı-pikirlerin mıllıondaǵan adam tyńdady. Qarapaıym halyq ta ortaq máseleden syrt qalmaı, usynystaryn aıtty. Keshegi tańdaý kúni ýchaskelerge aǵylǵan myńdaǵan jurtty kórdik. Bul daýys berýshilerdiń qoǵam úshin asa mańyzdy oqıǵaǵa selsoq qaramaǵanyn kórsetedi.
Taǵy bir aıta keterligi, jurtshylyqtyń tańdaý jasaýyna osy joly da barlyq jaǵdaı jasaldy. Referendým kúni kórsetilgen shaqyrý qaǵazdary men sms habarlandyrýdan bastap azamattardyń ýchaskesin anyqtaýǵa arnalǵan 179 onlaın servıs jumys istedi. Azamattardy ýaqytsha tirkeý qyzmetimen aınalysatyn 5 onlaın ýchaske de daýys berýshiler úshin yńǵaıly boldy.
Bir sózben aıtqanda, referendým Memleket basshysynyń bastamasymen qoǵamnyń úlken ózgeristerge bet burǵanyn kórsetti.
Beıbitkúl KÁRIMOVA,
Qorqyt ata atyndaǵy Qyzylorda ýnıversıtetiniń rektory-basqarma tóraǵasy