Talǵar qalasynda 4 qazan kúni tóbeles bolyp, qalanyń 16 jastaǵy turǵyny pyshaq jaraqatynan qaıtys bolǵan. Taǵy eki azamat aýyr dene jaraqatyn alǵan, dep habarlaıdy Egemen.kz.
«Prokýratýra organdary kisi óltirý týraly bul isti erekshe baqylaýǵa alǵanyn resmı túrde habarlaımyz. Atalǵan qylmysty jasady degen kúdik boıynsha sot 2 aı merzimge qamaýda ustaý túrindegi bultartpaý sharasyna sanksııa berip, jeti kúdikti adam ustaldy», dep habarlady oblystyq prokýratýranyń baspasóz qyzmeti.
Sonymen qatar qadaǵalaý organy osy jaǵdaıǵa kináli tulǵalardy jaýapkershilikke tartýǵa baǵyttalǵan obektıvti tergeý júrgiziletindigin atap ótti.
«Tergeýge kómektesetin kez-kelgen aqparatpen prokýratýra nemese ishki ister organdaryna júginýge shaqyramyz», dep qosty vedomstvo ókilderi.
Eske sala keteıik, 4 qazanǵa qaraǵan túni Talǵarda bir top jastar arasynda janjal shyǵyp, arty tóbeleske ulasqan. Qaqtyǵys saldarynan 16 jastaǵy jasóspirim alǵan jaraqattarynan jansaqtaý bóliminde qaıtys bolǵan.
Aıta keteıik, jaqynda bul isti Ishki ister mınıstri Erjan Sádenov jeke baqylaýyna alǵany belgili boldy.