Bul týraly Eńbek jáne halyqty áleýmettik qorǵaý mınıstrliginen málim boldy, dep habarlaıdy Egemen.kz.
Jyl basynan beri Áleýmettik qyzmetter portaly arqyly shamamen 675,4 myń múgedektigi bar adam ońaltýdyń tehnıkalyq quraldaryn, 8,5 myń azamat ymdaý tili qyzmetin, 26,2 myńy jeke kómekshiniń, 67,3 myńy sanatorıılik-kýrorttyq emdeý qyzmetin alǵan.
Mınıstrliktiń málimetinshe, portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi.
Kómek túrine tapsyrys berý kórsetiletin qyzmetti alýshynyń elektrondyq sıfrlyq qoltańbasymen rastaý arqyly júzege asyrylady. Tapsyrys berilgen quraldardy jetkizý arqyly nemese óz betinshe alyp ketýge bolady.