Qazaqstan halyqaralyq reıster geografııasyn aıtarlyqtaı keńeıtýde, dep habarlaıdy Egemen.kz Kólik mınıstrliginiń baspasóz qyzmetine silteme jasap.
Búgingi tańda Qazaqstannyń álemniń 32 elimen tikeleı áýe qatynasy, 132 halyqaralyq áýe baǵyty bar. Qazaqstandyq jáne sheteldik áýe kompanııalary aptasyna 778 halyqaralyq reıs oryndaıdy.
QR Kólik mınıstrligi shet memleketterdiń avıasııalyq bılik organdarymen yntymaqtastyqty keńeıtý boıynsha únemi kelissózder júrgizýde. Bul qoljetimdi baǵyttardyń sanyn odan ári arttyrýǵa múmkindik beredi.
Bıylǵy jyly Almatydan Mýmbaı, Beıjiń, Kýala-Lýmpýr, Irkýtsk, El-Alaımen, sondaı-aq Aqtóbe – Sharm-el-Sheıh qalalaryna jańa áýe baǵyttary ashyldy. Ońtústik-shyǵys Azııadaǵy eń iri loýkosterdiń biri - Malaızııalyq «Air Asia X» áýe kompanııasy Astanadan Dýshanbe, Praga, Seýl, Aqtaý - Mıneralnye vody qalalaryna turaqty reısterdi qalpyna keltirdi, al qytaılyq «China Southern Airlines» áýe kompanııasy Almaty-Úrimshi baǵyty boıynsha reıster sanyn kóbeıtti.