Týrızm jáne sport mınıstri Erbol Myrzabosynov Býdapeshtke sapary aıasynda qol jetkizilgen jaǵymdy jańalyqtardy áleýmettik jeli arqyly bólisti, dep jazady Egemen.kz.
Mınıstrdiń habarlaýynsha, 2027 jyly dzıýdodan álem chempıonaty Qazaqstanda ótedi. Erbol Myrzabosynov bul aıtýly oqıǵa Los Andjeles olımpıadasynyń aldynda sportshylarymyzǵa úlken múmkindik syılaıtynyn aıtty.
«Býdapeshttegi saparymda Halyqaralyq Dzıýdo Federasııasynyń (IJF) prezıdenti Marıýs Vızermen óte mańyzdy kezdesý ótkizdim. Bul kezdesýdiń nátıjesinde elimizde dzıýdony damytý baǵytynda birqatar mańyzdy kelisimderge qol jetkizdik. 2027 jyly dzıýdodan álem chempıonatyn Qazaqstanda ótkizý boıynsha ýaǵdalastyq. Sonymen qatar, Halyqaralyq Dzıýdo Federasııasynyń akademııasynyń ókildigin Qazaqstanda ashý týraly kelisimge keldik», dep jazdy Týrızm jáne sport mınıstri Erbol Myrzabosynov.
Bul bastamalar arqyly el sportshylary men jattyqtyrýshylarynyń kásibı deńgeıin kóterý kózdelgen.