Tótenshe jaǵdaılar mınıstrligi 8 qazannan 9 qazanǵa qaraǵan túni Aqmola oblysy Zerendi aýdanynda da qurǵaq shóp pen orman tósemi órtengenin habarlady, dep jazady Egemen.kz.
О́rtengen aýmaqqa mamandar men tehnıka dereý jumyldyrylǵan.
Onyń ishinde, oblystyq Tótenshe jaǵdaılar departamentinen, jergilikti atqarýshy organnan, «Kýıbyshevskıı leshoz» KMM jáne «Altyn taý» AQ MEО́QQ jeke quramynyń 80 shaqty adamy jáne 20 tehnıka bar.
«Jel ekpini qatty bolǵanyna qaramastan, naqty qabyldanǵan sharalardyń arqasynda órt tolyq sóndirildi. Zardap shekkender joq», delingen TJM taratqan habarlamada.
Eske salaıyq, 6 - 8 qazan aralyǵynda Qaraǵandy, Pavlodar oblystarynyń shekarasynda da aýqymdy aýmaq órtengen edi. Keshe Qaraǵandy oblysyndaǵy órt oqshaýlansa, Pavlodar oblysynda tolyq sóndirildi.