Almatyda «Daǵdarys pen turaqsyzdyq jaǵdaıynda uıymdar men BAQ arasyndaǵy tıimdi kommýnıkasııalar» semınary ótti. Ony QR Mádenıet jáne aqparat mınıstrligi, Narhoz ýnıversıteti, Qazaqstandaǵy BUU Jahandyq kommýnıkasııalar departamentiniń ókildigi — Qazaqstandaǵy BUU Aqparattyq Bıýrosynyń basshysy uıymdastyrdy, dep habarlaıdy Egemen.kz.
Semınardyń ashylýynda Narhoz ýnıversıtetiniń Prezıdenti Qanat Qojahmet, QR Mádenıet jáne aqparat mınıstrliginiń BAQ salasyndaǵy memlekettik saıasat departamentiniń dırektory Qaınar Ahetov, Qazaqstandaǵy BUU Jahandyq kommýnıkasııalar departamentiniń ókili — Qazaqstandaǵy BUU Aqparattyq Bıýrosynyń basshysy Vlastımıl Samek sóz sóıledi.
«Is-shara Qazaqstan Respýblıkasy Mádenıet jáne aqparat mınıstrliginiń salalyq jýrnalıstıkany damytý jónindegi jol kartasyn júzege asyrý aıasynda ótýde. Sonymen qatar, Memleket basshysy Qasym-Jomart Toqaevtyń «Ádiletti Qazaqstan: quqyq tártibi, ekonomıkalyq órleý, qoǵamdyq optımızm» atty Joldaýyn negizge aldyq. Qoǵamnyń barlyq sektoryn bilikti mamandarmen qamtamasyz etý — eń mańyzdy mindet, al búgingi semınardyń aıasynda biz qazirgi qoǵamnyń joǵary talaptaryna saı keletin salalyq jýrnalısterdi daıarlaý máselesin talqylap jatyrmyz.
Bul shara bizdiń ýnıversıtet úshin erekshe mańyzǵa ıe, sebebi Narxoz University STRATEGY 2030 strategııasyn belsendi túrde damytýda. Turaqty Damý Maqsattary aıasynda bilim berýdi basty maqsat ete otyryp, óz jetistikterimizben maqtanamyz. Narxoz ýnıversıteti tek Qazaqstanda ǵana emes, halyqaralyq arenada da kóshbasshy oryndardy ıelenýde.
Búgingi semınarymyz tıimdi kommýnıkasııalar taqyrybyna arnalady. Aqparattyq aǵyndar qarqyndy damyp jatqan qazirgi álemde turaqsyzdyq pen belgisizdik bizdiń kúndelikti ómirimizdiń ajyramas bóligine aınaldy. Osyndaı kezde daǵdarystar tek synaq qana emes, sonymen qatar damý, senimdi nyǵaıtý jáne ashyqtyqty arttyrý múmkindigine aınalady», dedi Narhoz ýnıversıtetiniń Basqarma tóraǵasy Qanat Qojahmet.
Semınar barysynda bıznes-jýrnalıstıka, iskerlik kommýnıkasııalar men medıa salasynyń jetekshi mamandary antıkrızıstik basqarý boıynsha óz tájirıbelerimen bólisip, ortaq strategııalardy talqylady.
Semınardyń birinshi modýlinde qatysýshylarǵa daǵdarysqa qarsy kommýnıkasııalyq strategııalardy ázirleýge qatysty prezentasııalar usynyldy, sondaı-aq qalyptasqan jaǵdaıǵa tez jáne tıimdi áreket etý úshin is-qımyl josparyn daıyndaý boıynsha praktıkalyq keńester berildi.
Mádenıet jáne aqparat mınıstrliginiń BAQ salasyndaǵy memlekettik saıasat departamentiniń dırektory Qaınar Ahetov jýrnalıstermen syndarly qarym-qatynas ornatý qoǵamnyń senimi men memlekettik júıeniń turaqtylyǵyna yqpal etetinin aıtty. Osy oraıda memlekettik jáne jergilikti atqarýshy organdardyń baspasóz hatshylaryna úlken jaýapkershilik júkteledi.
«2017 jyldan bastap memlekettik organnyń birinshi basshysyna tikeleı baǵynatyn BAQ-pen ózara is-qımyl jónindegi ýákiletti tulǵanyń mártebesi belgilendi. Bul memlekettik organdardan aqparat alýdyń sapasy men tıimdiligine áser etti. Bul rette baspasóz hatshylary men baspasóz qyzmeti basshylarynyń mártebesi kóterildi. Baspasóz qyzmetteriniń qyzmetin retteıtin birqatar qujattar qabyldanyp, olardyń maqsattary men mindetteri aıqyndaldy. Buqaralyq aqparat quraldarymen ózara is-qımyl jáne resmı habarlamalar berý erejeleri qabyldandy. Árbir mınıstrlik pen agenttiktiń BAQ-pen ózara árekettesýinde, kommýnıkasııa strategııalaryn BAQ-tyń ártúrli túrlerine beıimdeýde ózindik erekshelikteri bar. Qarqyndy damyp jatqan medıa-ortada biz memlekettik organdar men BAQ arasyndaǵy baılanysty jaqsartýǵa tıispiz», dep túsindirdi departament ókili.
BUU Jahandyq kommýnıkasııalar departamentiniń Qazaqstandaǵy ókili jáne BUU Aqparattyq bıýrosynyń basshysy Vlastımıl Samek óz sózinde álemde kóptegen qaqtyǵystar bolyp jatqanyna toqtaldy.
«Biz taratatyn aqparat ony alatyn adamdardyń bolashaq taǵdyryna áser etetin kúrdeli álemde ómir súrip jatyrmyz. Máselen azamattardyń, áıelderdiń, balalardyń quqyqtary, kóshi-qon máseleleri, ekologııa, klımattyń ózgerýi t.b. Buqaralyq aqparat quraldarynda bul problemalyq taqyryptardyń barlyǵy ártúrli túsindiriledi jáne biz olarǵa durys jaýap bere bilýimiz kerek. Ejelgi Qytaıdyń áskerı teoretıgi Sýn Szynyń «Soǵys óneri» atty qyzyqty kitaby bar. Meniń oıymsha «Aqparat óneri» degen jańa esse jazýdyń ýaqyty kelgen sııaqty», dedi ol
Qazaqstandyq PR kásibı klýbynyń qurmetti múshesi Laýra Barysova daǵdarys, daǵdarysqa deıingi jáne daǵdarystan keıingi kommýnıkasııalar týraly baıandama jasaı otyryp, semınarǵa qatysýshylardyń nazaryn memlekettik organdar men BAQ-ǵy aqparattarǵa aýdardy. EQYU-nyń kommýnıkasııalar jónindegi ulttyq keńesshisi Aıbar Oljaı sıfrlyq bedel, ony basqarý jáne jetildirý týraly aıtty.
Saıası ǵylymdar doktory, professor Gúlmıra Sultanbaeva «Joǵary bilim salasyndaǵy daǵdarys kommýnıkasııasy: baspasóz qyzmeti jáne BAQ» atty baıandama jasady. Ol Qazaqstanǵa neǵurlym táýelsiz jáne ashyq bilim keńistigin qurýǵa múmkindik beretin qurylymdyq reformalar júrgizý qajet ekenin atap ótti.
«Bizge joǵary bilimge ınvestısııa tartý, táýelsiz zertteýlerdi qoldaý jáne ýnıversıtetter men qoǵam arasyndaǵy dıalogty damytý qajet», dedi professor.
Iskerlik jýrnalıstıka, iskerlik kommýnıkasııalar jáne BAQ salasyndaǵy jetekshi sarapshylarmen pikir almasýdy qamtyǵan semınar qatysýshylarǵa jalpy qatelikterdi boldyrmaý jáne tabysty ózara árekettesý strategııalaryn ázirleý maqsatynda kommýnıkasııalardy daǵdarysty basqarý boıynsha praktıkalyq bilimder men usynystar alýǵa múmkindik berdi.