6 qazanda Kókshetaý turǵynynan polısııa basqarmasyna qyrkúıek aıynyń ortasynda úıden ketip, oralmaǵan anasyn izdeýge járdemdesý týraly ótinish tústi, dep habarlaıdy Egemen.kz.
Rolisia.kz jazǵandaı, er adam eki aptadan astam ýaqyt boıy anasyn óz betinshe izdegen, biraq taba almaǵan. Keıinirek polısııa men eriktiler izdeýge qosyldy.
Tártip saqshylary túrli medısınalyq mekemelerdi, qonaqúılerdi, vokzaldy qarady. Tanystary men týystarynan surastyrdy.
Jedel-izdestirý is-sharalary barysynda kýágerlerdiń biriniń aıǵaqtarynyń arqasynda polıseıler izdeý baǵytyn naqtylap, áıeldi tapty.
- Qazirgi ýaqytta onyń ómiri men densaýlyǵyna qaýip tónip turǵan joq. Onyń úıden ne sebepti ketip qalǵany anyqtalyp jatyr, – dep habarlady polısııa.