Búgin fýtboldan Qazaqstan ulttyq quramasy syrt alańda Aýstrııaǵa qarsy jasyl alańǵa shyǵady. El quramasy UEFA Ulttar lıgasynyń V dıvızıonynda úshinshi oıynyn ótkizedi, dep jazady Egemen.kz.
Aýstrııa-Qazaqstan matchy Lıns qalasyndaǵy «Raıffaızen Arena» stadıonynda ótedi. Kezdesý Astana ýaqytymen 23.45-te bastalady dep josparlanǵan.
Bul oıynǵa shotlandııalyq tóreshiler qazylyq etedi. Bas tóreshi - Donald Robertson.
Buǵan deıin el quramasy óz alańynda Norvegııamen 0:0 esebimen teń tússe, syrt alańda Slovenııaǵa 0:3 esebimen ese jiberdi.
Aıta keteıik, Qazaqstan fýtbolshylary Aýstrııaǵa 5 qazan kúni taban tirep, oıynǵa daıyndyǵyn bastaǵan.