О́tken túnde fýtboldan Qazaqstan ulttyq quramasy Aýstrııaǵa qarsy oıyn ótkizdi. Lıns qalasyndaǵy «Raıffaızen Arena» stadıonyndaǵy matchta el quramasy qarsylastaryna ese jiberdi, dep jazady Egemen.kz.
Ulttyq quramanyń bas bapkeri kezdesýdiń alǵashqy mınýttarynan Igor Shaskıı – Iаn Vorogovskıı, Nýraly Álip, Álibek Qasym, Sultanbek Astanov – Ashat Taǵybergen, Aıbol Ábiken, Baýyrjan Islamhan, Baqtıer Zaınýtdınov – Islam Chesnokov, Aıbar Jaqsylyqov syndy shákirtterin jasyl alańǵa joldaǵan.
Dese de Aýstrııa fýtbolshylary birinshi taımnyń 10-mınýtynda esep ashyp úlgerdi.
Goldar serııasy ekinshi taımda údeı tústi. Oıynnyń 53-mınýtynda Lıenhart baspen dál soqqy jasap esepti 2:0 etip eseledi. Birneshe mınýttan keıin Zabıtser úshinshi goldy soqty.
Aıta keteıik, Qazaqstan UEFA Ulttar lıgasynyń V dıvızıonynda kelesi oıynyn Almatyda Slovenııaǵa qarsy ótkizedi.