Memlekettik keńesshi Erlan Qarın Almaty qalasyna jumys sapary aıasynda Ortalyq memlekettik arhıvte boldy.
Erlan Qarın Úkimettiń «Arhıv-2025» jobasyn iske asyrý jónindegi 2020-2025 jyldarǵa arnalǵan keshendi is-sharalar jospary aıasynda kóptegen jumys atqarylǵanyn atap ótti. Sonyń ishinde Qazaqstan tarıhyna qatysty biregeı arhıv qujattaryn sıfrlandyrý úshin aýqymdy is-sharalar qolǵa alyndy.
Ortalyq memlekettik arhıvtiń dırektory Sábıt Shildebaı arhıv qujattaryn saqtaý jáne esepke alý tártibi týraly baıandady. Sonymen qatar ǵasyrdan astam ýaqyt tarıhy bar mekeme asa qundy qujattar men materıaldar qoryn jınaqtaǵanyn aıtty.
Memlekettik keńesshi elimizdiń arhıv isin damytý memlekettik saıasattyń basym baǵyttarynyń biri ekenine toqtaldy.