2014 jylǵy 25 shilde, Astana qalasy
Sportshynyń bir dene shynyqtyrý-sport uıymynan basqa dene shynyqtyrý-sport uıymyna aýysýy qaǵıdasyn bekitý týraly
Qazaqstan Respýblıkasynyń 2014 jylǵy 3 shildedegi «Dene shynyqtyrý jáne sport týraly» Zańynyń 7-baby 28) tarmaqshysyna sáıkes, buıyramyn:
1. Qosa berilip otyrǵan Sportshynyń bir dene shynyqtyrý-sport uıymynan basqa dene shynyqtyrý-sport uıymyna aýysýy qaǵıdasy bekitilsin.
2. Strategııalyq damý departamenti (D.Ú. Qamzebaeva) zańnamada belgilengen tártippen:
1) Qazaqstan Respýblıkasy Ádilet mınıstrligine osy buıryqty memlekettik tirkeýge usynýdy;
2) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýdy, sonymen qatar Qazaqstan Respýblıkasy Sport jáne dene shynyqtyrý isteri agenttiginiń resmı ınternet-resýrsynda jarııalaýdy qamtamasyz etsin.
3. «Sportshynyń bir dene shynyqtyrý-sport uıymynan (sport klýbynan) basqa dene shynyqtyrý-sport uıymyna (sport klýbyna) aýysýy týraly erejeni bekitý týraly» Qazaqstan Respýblıkasy Týrızm jáne sport jónindegi agenttigi tóraǵasy mindetin atqarýshynyń 2004 jylǵy 15 naýryzdaǵy № 06-2-2/91 buıryǵynyń (Qazaqstan Respýblıkasynyń Ádilet mınıstrliginde 2004 jylǵy 2 sáýirde № 2792 tirkeldi, Qazaqstan Respýblıkasynyń ortalyq atqarýshy jáne ózge de memlekettik organdarynyń normatıvtik quqyqtyq aktiler bıýlleteninde basyldy, 2004 j. № 37-40, 1003-qujat) kúshi joıyldy dep tanylsyn.
4. Osy buıryqtyń oryndalýyn baqylaý Qazaqstan Respýblıkasy Sport jáne dene shynyqtyrý isteri agenttigi Tóraǵasynyń orynbasary E.B. Qanaǵatovqa júktelsin.
5. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Sport jáne dene shynyqtyrý
isteri agenttiginiń tóraǵasy T.ESENTAEV.
Qazaqstan Respýblıkasy Sport jáne dene shynyqtyrý isteri agenttigi tóraǵasynyń
2014 jylǵy 25 shildedegi № 288 buıryǵymen bekitildi
Sportshynyń bir dene shynyqtyrý-sport uıymynan basqa dene shynyqtyrý-sport uıymyna aýysýy qaǵıdalary
1. Jalpy erejeler
1. Osy Sportshynyń bir dene shynyqtyrý-sport uıymynan basqa dene shynyqtyrý-sport uıymyna aýysýy qaǵıdalary (budan ári-Qaǵıda) Qazaqstan Respýblıkasynyń 2014 jylǵy 3 shildedegi «Dene shynyqtyrý jáne sport týraly» Zańynyń 7-baby 28-tarmaqshysyna sáıkes ázirlengen sportshynyń bir dene shynyqtyrý-sport uıymynan basqa dene shynyqtyrý-sport uıymyna (budan ári - uıym) aýysýynyń tártibin anyqtaıdy.
2. Aýysýdyń biryńǵaı tártibin belgileý ashyqtyqty qamtamasyz etý jáne sportshylardy daıarlaý júıesin jetildirý, respýblıkanyń qurama komandalarynyń jáne jekelegen sportshylardyń halyqaralyq jarystarda tabysty óner kórsetýin qamtamasyz etý maqsatynda júzege asyrylady.
Osy Qaǵıda mynadaı uǵymdar qoldanylady:
1) dene shynyqtyrý-sport uıymy (budan ári-uıym) – negizgi qyzmet túri retinde dene shynyqtyrý men sport salasyndaǵy qyzmetti júzege asyratyn zańdy tulǵa;
2) Sporttyq qyzmet týraly shart – sportshy, jattyqtyrýshy nemese dene shynyqtyrý jáne sport salasyndaǵy ózge de maman men dene shynyqtyrý-sport uıymy arasynda jasalatyn azamattyq-quqyqtyq shart;
3) transferttik karta (sertıfıkat) - sportshyǵa shet eldik sport uıymy úshin óner kórsetýine quqyq beretin ruqsat.
3. Sportshy sporttyq qyzmet týraly sharttyń qoldanylý merzimi aıaqtalǵannan keıin bir dene shynyqtyrý-sport uıymynan basqa sporttyq uıymǵa aýysady.
Eger sportshy basqa uıymǵa sporttyq qyzmeti týraly sharttyń qoldanylý merzimi aıaqtalǵanǵa deıin aýysqan nemese shartta kózdelgen mindetteme talaptaryn oryndamaǵan jaǵdaıda, sportshynyń aýysýy tek qana uıymdardyń ózara kelisimimen bolady.
2. Sportshynyń aýysýy jáne sporttyq qyzmet týraly shart jasasýy
4. Sportshylardyń aýysý máselelerin, akkredıttelgen respýblıkalyq, óńirlik jergilikti jáne sporttyq federasııalar qoǵamdyq birlestikter, dene shynyqtyrý jáne sport salasyndaǵy jergilikti atqarýshy organdar, qarastyrady jáne dene shynyqtyrý jáne sport salasyndaǵy ýákiletti organmen mynadaı tártipte kelisedi:
1) sportshynyń, oblystyq, qalalyq qurama komanda múshesiniń Qazaqstannyń sheginde bir uıymnan basqa uıymǵa aýysýy kezindegi máseleni osy sport túri boıynsha akkredıttelgen sporttyq federasııa qarastyrady jáne jergilikti atqarýshy organmen kelisedi;
2) sportshynyń, oblystyq, qalalyq qurama komanda múshesiniń shet eldik dene shynyqtyrý-sport uıymyń aýysýy kezindegi máseleni osy sport túri boıynsha akkredıttelgen sporttyq federasııa, jergilikti atqarýshy organ qaraıdy jáne dene shynyqtyrý men sport salasyndaǵy ýákiletti organmen kelisedi;
3) sportshynyń aýysýy kezinde qurama komanda múshesiniń bir uıymnan basqa uıymǵa (sonyń ishinde shet eldik) uıymǵa aýysýy kezindegi máseleni osy sport túri boıynsha akkredıttelgen respýblıqalyq federasııa qaraıdy jáne dene shynyqtyrý jáne sport salasyndaǵy ýákiletti organ bekitedi.
5. Aýysýǵa ruqsat alǵysy kelgen sportshy erkin túrde jazylǵan ótinishte óziniń tilegi týraly tıisti uıymnyń basshysyna jáne sport túri jónindegi akkredıtelgen sporttyq federasııaǵa sporttyq qyzmet týraly sharttyń qoldaný merziminiń aıaqtalýyna keminde bir aı qalǵanda habarlaıdy.
6. Sportshynyń aýysýyn qarastyrý jáne kelisý merzimi ótinish berilgen kúnnen bastap bir aıdy quraıdy.
7. Sportshynyń bir uıymnan aýysýy basqa uıymǵa mynadaı negizdemeler bolǵan jaǵdaıda múmkin bolady:
1) áskerı qyzmetke shaqyrylsa;
2) bilim berý uıymnyń kúndizgi bóliminde oqysa;
3) sportshy men uıym arasyndaǵy sporttyq qyzmet týraly sharttyń qoldaný merzimi aıaqtalsa;
4) taraptardyń kelisimi boıynsha sporttyq qyzmet týraly shart merziminen buryn buzylsa.
8. Uıym taratylǵan kezde sporttyq jarystar bastalardan buryn nemese onyń barysynda sportshy basqa uıymǵa aýysady.
9. Negizgi uıymmen sporttyq qyzmet týraly shartty buzbaı-aq, sportshynyń bir uıymnan basqa uıymǵa ýaqytsha aýysýyna bolady, ol uıymdar arasyndaǵy ekijaqty kelisimmen resimdeledi. Atalǵan kelisimde ýaqytsha aýysqan sportshynyń sharttary men merzimi aıtylady.
10. Ortalyq organmen keliskennen keıin sport túrleri boıynsha akkredıttelgen respýblıkalyq federasııalardan sportshy shet eldik dene shynyqtyrý-sport uıymyn aýysqan kezde oǵan transferttik karta (sertıfıkat) beriledi, ol sport túrinen halyqaralyq federasııalardyń talaptaryna saı bolady jáne sportshynyń Qazaqstan Respýblıkasynyń qurama komandasy úshin resmı halyqaralyq jarystarǵa qatysýyn kózdeıdi.
Buıryq Qazaqstan Respýblıkasynyń Ádilet mınıstrliginde 2014 jylǵy 5 tamyzda Normatıvtik quqyqtyq kesimderdi memlekettik tirkeýdiń tizilimine №9681 bolyp engizildi.