2025 jyldan bastap qurylys salasyndaǵy bıýdjettik ınvestısııalyq jobalardyń iske asyrylýyn baqylaý kúsheıtiledi. Tıisti sheshim Joǵary aýdıtorlyq palatanyń nusqamasyn oryndaý aıasynda qabyldandy, dep habarlaıdy Egemen.kz tıisti vedomstvonyń baspasóz qyzmetine silteme jasap.
Eske sala keteıik, buǵan deıin Pavlodar oblysynda bıýdjet qarajatyn paıdalaný tıimdiligine memlekettik aýdıt júrgizilgen edi. Aýdıt barysynda is júzinde oryndalmaǵan qurylys jumystaryna shamamen 731 mln teńgege aqy tólengeni anyqtalǵan. Pavlodar qurylys bólimi buryn tólem jasalǵan aktiler negizinde merdiger uıymǵa tólem júrgizgen.
Osyǵan baılanysty Qarjy mınıstrligine qazynashylyq bıýdjettik ınvestısııalyq jobalar boıynsha kóptegen qurylys sharttaryn súıemeldeı alatyndaı ózgerister engizý tapsyrylǵan.
«25 qyrkúıekte Bıýdjettiń atqarylýy jáne oǵan kassalyq qyzmet kórsetý erejesine túzetýler engizildi. Oǵan sáıkes qazynashylyq súıemeldeý smetalyq quny 1 mlrd teńgeden bastalatyn sharttarǵa qatysty qoldanylady. Buǵan deıin bul kórsetkish 2 mlrd teńgeni quraǵan edi», delingen habarlamada.
Bul ózgeris 2025 jylǵy 1 qańtardan bastap qoldanysqa engiziledi.