12 qazan túnde qara jamylǵan otbasynyń úıi órtenip ketti. О́rt syrttan bastaldy. Bul týraly baspasóz máslıhatynda Almaty oblysynyń prokýrory Berik Adamov aıtty, dep habarlaıdy Egemen.kz.
«О́rt bolǵan jerden dálelder jınaldy. 600-den astam adamnan suraldy. Oqıǵanyń qalaı bolǵanyn naqty anyqtaý úshin birneshe saraptama taǵaıyndaldy. Mamandar órttiń úıdiń syrtynan bastalǵanyn, oqys jaǵdaı emes ekenin jáne ot syrttan qoıylǵanyn aıtty. Oqıǵa ornynan rezeńke qolǵap pen kanıstrǵa zertteýler júrgizilip jatyr», dedi prokýror.
Eske salaıyq, 4 qazanda Talǵar qalasyndaǵy tóbelesten bir adam qaıtys boldy.
Ashýly talǵarlyqtar jasóspirim ólimine baılanysty narazylyqqa shyqqan.
Almaty oblysynyń Prokýratýrasy kisi óltirý týraly bul is erekshe baqylaýǵa alynǵanyn resmı túrde málimdedi.
Ishki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy.
Sondaı-aq, quqyq qorǵaýshy Aıtbek Amangeldi qaza tapqan jasóspirimniń otbasyna advokattar taýyp berdi.
Almaty oblystyq polısııa departamenti bastyǵynyń mindetin atqarýshy Serik Shalqarov beınebaqylaý kameralarynan alynǵan jazbalar zerttelip jatqanyn jetkizdi.
12 qazan kúni túnde qara jamylǵan otbasynyń úıi órtenip ketti. Almaty oblysynyń Polısııa departamenti bótenniń múlkin qasaqana joıý faktisi boıynsha is qozǵady.
Sondaı-aq, Bas prokýratýra qylmysty ashý úshin vedomstvoaralyq jedel-tergeý toby qurylǵanyn habarlady.
Ishki ister mınıstriniń birinshi orynbasary Baýyrjan Alenov marqum Sherzat Bolattyń úıin órteý oqıǵasyn tergeý tobymen Talǵarǵa bardy.
Keıin Ishki ister mınıstriniń birinshi orynbasary Baýyrjan Alenov órt qylmysy boıynsha aıǵaqtar alynyp, tıisti saraptamalar júrgizilip jatqanyn málimdedi.
Qoǵamdyq tártipti qadaǵalaý úshin Ulttyq ulan áskeri jumyldyryldy.