Oqý-aǵartý mınıstrligi bıylǵy qyrkúıekten beri óńirlerde 130 myń oqýshyǵa arnalǵan 86 mektep ashylǵanyn málim etti, dep jazady Egemen.kz.
Al «Jaıly mektep» ulttyq jobasy aıasynda 74,8 myń oqýshyǵa arnalǵan 27 mektep paıdalanýǵa berilgen. Onyń 9-y elordada ashylǵan.
Jobada bilim berý ortasynyń fýnksıonaldyǵy men qaýipsizdigine erekshe nazar aýdarylǵan. Bastaýysh jáne joǵary synyp oqýshylary úshin bólek bloktar qarastyrylǵan. Sondaı-aq «Jaıly mektep» qurylysynda talap etilgen zamanaýı tehnıkalyq quraldar engizilgen.
Aıta keteıik, «Jaıly mektep» ulttyq jobasy aıasynda 2025 jyldyń sońyna deıin zamanaýı formattaǵy 217 mektepti paıdalanýǵa berý josparlanǵan.
Bilim berý ınfraqurylymyn qoldaý qory arqyly 18 mektep ashylsa, taǵy 41 mektep respýblıkalyq jáne jergilikti bıýdjet qarajaty, sondaı-aq ınvestısııalar esebinen qoldanysqa berilgen.