Ekonomıkalyq saıasat, ınnovasııalyq damý jáne kásipkerlik komıtetiniń depýtattary «Damý» kásipkerlikti damytý qorynyń basshylyǵymen kezdesti. Júzdesýge qatysýshylar qor tarapynan memlekettik qoldaý alǵan kásipkerlik sýbektilerdiń basym jobalaryn, sondaı-aq memlekettik qoldaý sharalarymen qosa shaǵyn jáne orta bıznes salasyndaǵy zańnamany jetildirýdiń ózekti máselelerin talqylady, dep habarlaıdy Egemen.kz.
Komıtet tóraǵasy Súıindik Aldashev otyrysty asha kelip, sharanyń maqsaty kásipkerlikke járdemdesýde memlekettik qoldaýdy júzege asyratyn Qordyń ulttyq qarjy ınstıtýty retindegi qyzmetin taldaý bolyp tabylatynyn atap ótti. Senator shaǵyn jáne orta bıznes ekonomıkanyń draıveri bola almaǵanyn, elimiz ekonomıkasynyń damýynda kenje qalǵanymen óziniń damý úrdisin ózgertpegenin atap ótti.
«Damý» qory arqyly memlekettik qoldaý alǵan kezde de saýda burynǵysha basym sala bolyp qala beredi. Sýbsıdııalanǵan jobalardyń 37%-dan astamy da, kepildendirilgen jobalardyń 39%-y da saýda salasyna jatady», dep atap ótti Súıindik Aldashev.
Is-sharaǵa sonymen qatar Ulttyq ekonomıka mınıstrligi men «Báıterek» UBH» AQ ókilderi qatysty.