Dıqandar Memleket basshysyna alǵys aıtty

«Aýyl sharýashylyǵyna buryn-sońdy bolmaǵan qoldaý kórsetip, bızneske kóńil bólip otyrǵanyńyz úshin barsha dıqandar atynan shyn júrekten alǵys bildirýge ruqsat etińiz. Kómek nátıjesinde egis alqaptaryn­da shyǵymdylyqtyń artqa­nyn kórip otyrmyz. Bıyl Qazaqstanda 26 mln tonnadan asa astyq jınaldy. Orta eseppen ár gektardan 16 sentnerge jýyq ónim alyndy. Keıbir alqaptarda gektarynan 40-50 sentnerden ónim alýǵa qol jetkizdik. Bul – keıingi 10 jyldaǵy eń jaqsy nátıje», dep jazylǵan hatta.

Dıqandar naqty qoldaýdy ónimdi óńdeý men ótkizý isinde anyq sezingenin aıtqan. «Ási­rese ónimdi óńdeý men ótkizý­di damytýda qoldaýdy sezi­nip júrmiz» degen hat ıe­leri Prezıdentke aýyl ómi­rin jaqsartýǵa qatysty atqaryl­ǵan jemisti jumystar boıyn­sha aıryqsha alǵys bildirgen.

«Sizdiń tapsyrmańyz­ben aıtar­lyqtaı ulǵaıtylǵan aýyl sharýashylyǵy salasyn jeńildetil­gen qarjy­lan­dyrý bizge úlken kómek boldy. Yńǵaıly lızıng shart­tarynyń arqasynda tehnıkany jańartý aýyl turǵyndary úshin áldeqaıda qoljetimdi sharaǵa aınaldy. Bıyldyń ózinde 20 myńnan asa jańa aýyl sharýashylyǵy tehnıkasy satyp alyndy. Ýaqytynda nesıelendirý egis pen egin jınaý jumystaryna qajetti resýrstardy tez alýǵa múmkindik berdi», degen.

Keler jylǵa kerekti kó­mek­ke bıyl qol jetkizetin otan­dyq sharýalar, jańa júıe­niń tıimdi tusyna dán rıza. «Sharýalarǵa jasalǵan barlyq jaǵdaı jumysty bir aýyq alǵa josparlaýǵa múmkindik beredi. Bıylǵy jeltoqsannan bastap kelesi jylǵy eginniń alǵashqy qarajatyn ala alatynymyz sharýa qaýymyn erekshe qýantady. Sizdiń bul sheshimińizdi eldegi árbir sharýa qýana qarsy aldy» delinedi hatta.

Qazir elimizde 1,2 ml­n-ǵa jýyq azamat aýyl sharýa­shylyǵy salasynda eńbek etedi. Otbasylardy qosa eseptegende 4 mln-nan astam otandas osy saladan nápa­qa­syn aıyryp otyr. Qaýym­dastyq ókilderiniń aıtýynsha, ár otbasynyń dastarqany­nan nan, sút, et, kókónis, jemis-jıdek, basqa da azyq-túlik ónimderiniń tabylýy – dıqannyń mańdaı teriniń nátıjesi.

«Otandyq ónim elimizden tys jerde de joǵary baǵa­lanady. Biraq memleket kómeginsiz mundaı tıimdi iske qol jetkize almas edik», degen mamandar Memleket basshysynyń senimi men halyqtyń joǵary sapaly ónimge degen úmitin aqtap, alǵa qoıǵan mindetterdi joǵary deńgeıde júzege asyrýǵa bar kúsh-jigerin salýǵa daıyn ekenin bildirgen.

«Bıyl sharýalarǵa bere­keli jyl boldy. Mysaly, «Keń dala 2» jańa baǵdarlamasy arqyly úlken qarjylyq qoldaýǵa ıe boldyq. Baǵdar­lama tártibinde ótinish berýshi sharýa qojalyǵy «Agrarlyq nesıe korporasııasyna» nemese ózi jumys isteıtin aýdan­nyń aýyl sharýashylyǵy kooperatıvtik kásipornyna ótinish beredi. Onda azamat­tyń sharýa, oǵan qosa egis­tik jeri bar ekenin rastaıtyn qujattary ǵana usynylsa jetkilikti. Onyń naqty aýmaq, kólemine jetkilikti aqsha bólinedi. Eger kepili jetkiliksiz bolsa, «Damý» qory oǵan 85%-ǵa deıin kepildik beredi. Qazir fermer burynǵydaı jer alyp qana qoımaıdy, memleket oǵan joǵary sapaly tuqym men tyńaıtqysh satyp alý úshin aqsha alýǵa da múm­kindik beredi. Nátıjesinde, eńbek­shilerine jalaqyny ýaqty­ly tóleı­di. Sonymen qatar fermer alǵash ret jyldyq 5 %-ben eshqandaı sýbsı­dııa­syz nesıe alyp otyr. Buryn nesıeler 20-24% na­ryq­tyq mólsher­lememen beril­se, ol mólsherdi 6%-ǵa deıin tómendetýge sýbsıdııa­lar usynylyp otyr. Kóbine sýbsıdııalar ýaqtyly tús­peı­tin edi. Fermer barlyq paıyzdyq somany aılar boıy tóleýge májbúr boldy», dedi Kartop ósirýshiler odaǵy jáne Qazaqstannyń kókónis ósirýshileri basqar­masynyń tóraǵasy Qaırat Bısetaev.

Aıtýynsha, bıylǵy aýa raıy jańa baǵdarlama­nyń tıimdi tustaryn aıqyn kórsetti.

«Osy baǵdarlama negi­zinde qarjy alyp, tuqy­myn jańartqan, egindi aram­shópterden, zııankester men aýrýlardan qorǵaǵan dıqandar óte jaqsy ónim aldy. Bul baǵdarlamaǵa bıyl 400 mlrd teńge bólindi. Kórsetilgen soma 4-5 jylda 1,5 trln teńgeni quraıdy. Munsha qarjy jermen jumys isteıtinderdiń barlyǵyna jetedi», dedi Q.Bısetaev.