Albanııanyń Tıranada qalasynda ótip jatqan jastar arasyndaǵy álem chempıonatynda el balýany Beıbit Qorǵanov jubanysh aınalymyna shyqty. Bul týraly Ulttyq olımpıadalyq komıtet habarlady, dep jazady Egemen.kz.
97 kelide bozkilemge shyqqan Beıbit Qorǵanov 1/8 básekesinde armenııalyq Haıký Hloıanýdan jeńilgen edi.
Qarsylastyń fınalǵa joldama alýyna baılanysty Qorǵanov jubanysh aınalymynda beldesetin boldy. Bul beldesý búgin ótedi dep josparlanǵan. Otandasymyzdyń osy aınalymdaǵy qarsylasy - germanııalyq Anton Vıýveg.
Beıbit Qorǵanov jubanysh aınalymynda jeńiske jetse, qola medal úshin kúresýge múmkindik alady.