Erik-jigeri myqty adamnyń baǵyndyrmaıtyn belesi joq. Alǵa qoıǵan maqsatyna jetpeı qoımaǵan sondaı jandardyń biri fransýz jýrnalısi Jan-Domınık Bobı.
Ol 43 jasynda alǵan ınsýltten keıin denesiniń barlyǵy sal bolyp qaldy jáne aınaladaǵylarmen tek sol kózin jypylyqtatý arqyly sóılese aldy. Sóıtse qalamger naýqasqa shaldyqpaı turyp kitap jazýǵa kelisimshart jasasqan eken. Osylaısha «ýáde - qudaıdyń móri» dep dertine qaramastan kitap jazýǵa kirisken. Onyń qasynda kómekshisi bolǵan. Ol fransýz tilindegi búkil áripterdi rettiligimen avtordyń kóz aldyna ákeledi. Al Bobı bolsa kózin ashyp-jumyp qajetti áripti kórsetedi. Osyndaı yjdaǵatty eńbekpen «Skafandr jáne kóbelek» atty kitap jaryqqa shyǵady jáne eki aı ótpesten bestsellerge aınalady.