Búgin Májiliste Ishki ister mınıstriniń orynbasary Igor Lepeha elimizde mopedterdi tirkeý kúni bastalatyn boljamdy ýaqytty atady, dep jazady Egemen.kz.
Igor Lepeha aldaǵy ýaqytta osy máseleni tııanaqtaıtyn zańǵa qol qoıylatynyn aıtty.
Jospar retimen júzege assa, Qazaqstanda mopedter 1 jeltoqsannan bastap tirkelýi múmkin.
«Qazir tıisti qujatqa qol qoıylady. Qarashanyń aıaǵyna deıin bul jumysty aıaqtaımyz jáne shartty túrde 1 jeltoqsanda tirkeýdi bastaımyz. Aldaǵy ýaqytta tehnıkalyq jaǵdaıǵa qoıylatyn talaptar joq. Aldymen sáıkestik, nómirlerdiń bar-joǵyn jáne basqasyn qaraımyz», dedi Igor Lepeha.
Buǵan deıin mopedterdi tirkeý erejesine «A1» kishi sanatyndaǵy júrgizýshi kýáligimen mopedti basqarý quqyǵy rastalatyn túzetý engizý kózdelip jatqany habarlanǵan. Sonymen qatar «A» jáne «V» sanattary da mopedti basqarý quqyǵyn rastaıtyny aıtylǵan.